రెవిన్యూ మంత్రిని కలిసిన రాష్ట్ర జిల్లా టిజిఓ అసోసియేషన్ ఉద్యోగులు 

నవతెలంగాణ – కంఠేశ్వర్ 
తెలంగాణ అధికారుల అసోసియేషన్ అధ్యక్షులు ఏలూరి శ్రీనివాసరావు ఆధ్వర్యంలో రెవెన్యూ మంత్రి  పొంగులేటి శ్రీనివాస్ రెడ్డి తో బుధవారం రాష్ట్ర, జిల్లా గెజిటెడ్ అధికారుల అసోసియేషన్ ఉద్యోగులు కలిసి సమావేశమయ్యారు. ఉద్యోగుల అనేక అంశాలపై చర్చించారు. ముఖ్యంగా సర్వే అండ్ ల్యాండ్ రికార్డ్స్ పునర్వ్యవస్థీకరణ ఫైల్, రెవెన్యూ మంత్రి తన స్థాయిలో ఫైల్‌ను క్లియర్ చేసి, దానిని సీఎంఓ కి పంపారు. ఏడి కేడర్‌లో డిపిసి ఫైల్‌ను కూడా డిడి కి ఆమోదించారు. ఇదే అంశంపై ఐఏఎస్ శేషాద్రి, సీఎంఓ ప్రిన్సిపాల్ సెక్రటరీ లోకేష్ కుమార్ ఐఏఎస్, రెవెన్యూ అండ్ సీసీఎల్ ఏ ప్రిన్సిపల్ సెక్రెటరీ రాజీవ్ గాంధీ హన్మంతు ఐఏఎస్, కమిషనర్ సర్వే  సెటిల్‌మెంట్‌తో చర్చించారు.కేబినెట్ సమావేశంలో దీనిని క్లియర్ చేస్తామని మంత్రి మాకు హామీ ఇచ్చారు. హెల్త్ కార్డులు, జాయింట్ స్టాఫ్ కౌన్సిల్, జనరల్ ట్రాన్స్‌ఫర్‌లు, డిపిసి, శేషాద్రి ఐఏఎస్ ప్రిన్సిపాల్ కార్యదర్శితో చర్చించారు. ఆయన సానుకూలంగా స్పందించారు. ముఖ్యమంత్రితో చర్చించిన తర్వాత వీలైనంత త్వరగా సమస్యలను పరిష్కరిస్తారు. ఈ కార్యక్రమంలో రాష్ట్ర అసోసియేట్ అధ్యక్షుడు బి. శ్యామ్, ఉపాధ్యక్షుడు నరహరి రావు, నిజామాబాద్ జిల్లా అధ్యక్షుడు ఎ. కిషన్, రంగారెడ్డి జిల్లా అధ్యక్షుడు డాక్టర్ రామారావు, డాక్టర్ శ్రీరామ్ రెడ్డి, ఇతరులు పాల్గొన్నారు.