ప్రభుత్వ పాఠశాలలో సమ్మర్ క్యాంప్ 

నవతెలంగాణ – పెద్దకొడప్ గల్: మండలంలో జిల్లా పరిషత్ పాఠశాలలో సమ్మర్ క్యాంప్ ఎంఈఓ ప్రవీణ్ కుమార్ ప్రారంభించారు. ఈ సందర్భంగా ఆయన మాట్లాడుతూ.. 15 రోజులపాటు మండలంలో జిల్లా పరిషత్ ఉన్నత పాఠశాల నందు ఉదయం 8 గంటల నుండి 11:40 వరకు ఉచిత సమ్మర్ క్యాంప్ నిర్వహిస్తున్నామని అన్నారు. ఈ క్యాంపులో స్పోకెన్ ఇంగ్లీష్, కరాటే, యోగాలను ఉచితంగా 13 ఏళ్లలోపు బాల బాలికలకు శిక్షణ అందించబడుతుందని తెలిపారు. శిక్షణకు కోర్స్ డైరెక్టర్ గా ప్రధానోపాధ్యాయురాలు కమల, శిక్షకులుగా శివప్రసాద్, సాయిలు వ్యవహరించడం జరుగుతుందని తెలిపారు. కావున ఇట్టి వేసవి శిక్షణకు మండలంలోని ఏ పాఠశాలల్లో చదువుతున్న విద్యార్థులైన ఈ అవకాశాన్ని సద్వినియోగం చేసుకోవాలని ఆయన సూచించారు. ఈ కార్యక్రమంలో పాఠశాల ప్రధాన ఉపాధ్యాయురాలు కమల, కిషోర్ ఉపాధ్యాయులు విద్యార్థులు పాల్గొన్నారు.