‘స్పార్క్‌ ఆఫ్‌ ప్యారడైజ్‌’కి సూపర్‌ రెస్పాన్స్‌

హీరో నాని ‘ది ప్యారడైజ్‌’ చిత్రంలో ఇంతకు ముందు ఎన్నడూ చేయని ఇంటెన్స్‌ క్యారెక్టర్‌ చేస్తున్నారు.
‘దసరా’ ఫేమ్‌ శ్రీకాంత్‌ ఓదెల దర్శకుడు.
ఎస్‌ఎల్‌వి సినిమాస్‌ బ్యానర్‌ పై నిర్మాత సుధాకర్‌ చెరుకూరి నిర్మిస్తు న్నారు. రా స్టేట్మెంట్‌, రెండు పవర్‌ ఫుల్‌ ఫస్ట్‌-లుక్‌ పోస్టర్లతో ఈ చిత్రం ఇప్పటికే అందరిలో క్యూరియాసిటీని పెంచింది. తాజాగా బిహైండ్‌ ది సీన్స్‌ ‘స్పార్క్‌ ఆఫ్‌ ప్యారడైజ్‌’ గ్లింప్స్‌ని రిలీజ్‌ చేశారు మేకర్స్‌.
జైల్‌ బ్యాక్‌డ్రాప్‌లో సాగే స్పార్క్‌ ఆఫ్‌ ప్యారడైజ్‌ వీడియోలో రామోజీ ఫిలిం సిటీలో 15 రోజుల పాటు షూట్‌ చేసిన పవర్‌ఫుల్‌ యాక్షన్‌ సీక్వెన్స్‌ కనిపించాయి. కత్తులు పట్టుకున్న ఖైదీలు చుట్టుముట్టినప్పటికీ నాని పాత్ర ఒంటరిగా, చేతిలో ఆయుధం లేకుండా ఏమాత్రం భయపడకుండా సీట్లో కూర్చొని ధైర్యంగా వారిని సవాలు చేస్తూ కనిపించడం అందర్నీ అలరిస్తోంది. దర్శకుడు శ్రీకాంత్‌ ఒదెల బోల్డ్‌ విజన్‌ని ఈ వీడియో ప్రజెంట్‌ చేస్తోంది. క్యారెక్టర్‌ డిజైన్‌ నుంచి ప్రతి ఫ్రేమ్‌ వరకూ తన బ్రిలియన్స్‌ని చూపించారు. సుధాకర్‌ చెరుకూరి ప్రొడక్షన్‌ వ్యాల్యూస్‌ అద్భుతంగా ఉన్నాయి. ఈ గ్లింప్స్‌కి అత్యద్భుతమైన రెస్పాన్స్‌ వస్తోంది. ఈ సినిమా వచ్చే ఏడాది మార్చి 26న థియేటర్లలోకి రానుంది. తెలుగు, హిందీ, తమిళం, కన్నడ, మలయాళం, బెంగాలీ, ఇంగ్లీష్‌, స్పానిష్‌ మొత్తం ఎనిమిది భాషల్లో రిలీజ్‌ అవుతూ ఇండియన్‌ సినిమాలో మోస్ట్‌ అవైటెడ్‌ యాక్షన్‌ డ్రామాలలో ఒకటిగా నిలుస్తోంది అని చిత్ర బృందం తెలిపింది.
నాని, రాఘవ్‌ జుయల్‌ ముఖ్య పాత్రధారులుగా నటిస్తున్న ఈ చిత్రానికి సంగీతం: అనిరుధ్‌ రవిచందర్‌, ఎడిటింగ్‌: నవీన్‌ నూలి, ప్రొడక్షన్‌ డిజైనర్‌: అవినాష్‌ కొల్లా, ఆడియో: సారెగమ మ్యూజిక్‌.