నవతెలంగాణ - హైదరాబాద్‌: సూపర్‌స్టార్ రజినీకాంత్ అభిమానులు ఎంతో ఆసక్తిగా ఎదురుచూస్తున్న 'జైలర్ 2' చిత్రం విడుదలకు రంగం సిద్ధమైంది. తాజాగా ఈ సినిమా సెన్సార్ కార్యక్రమాలను పూర్తి చేసుకుంది. సెంట్రల్ బోర్డ్ ఆఫ్ ఫిల్మ్ సర్టిఫికేషన్ () ఈ చిత్రానికి 'యూ/ఏ 16+' సర్టిఫికెట్ జారీ చేసింది. సినిమా మొత్తం రన్‌టైమ్‌ను 2 గంటల 45 నిమిషాలుగా ఖరారు చేసినట్లు సమాచారం. ఈ సినిమా అక్టోబర్ 15న ప్రపంచవ్యాప్తంగా థియేటర్లలో గ్రాండ్‌గా విడుదల కానుంది.

బ్లాక్‌బస్టర్ హిట్ 'జైలర్'కు కొనసాగింపుగా వస్తున్న ఈ చిత్రానికి నెల్సన్ దిలీప్‌కుమార్ దర్శకత్వం వహిస్తున్నారు. సన్ పిక్చర్స్ బ్యానర్‌పై భారీ బడ్జెట్‌తో ఈ సినిమాను నిర్మిస్తున్నారు. మొదటి భాగాన్ని మించిన యాక్షన్, థ్రిల్లింగ్ అంశాలతో ఈ సీక్వెల్‌ను తీర్చిదిద్దినట్లు తెలుస్తోంది. 'జైలర్'లో రిటైర్డ్ పోలీస్ ఆఫీసర్ 'ముత్తువేల్ పాండియన్' పాత్రలో రజినీకాంత్ అద్భుతమైన నటనతో ఆకట్టుకోగా, ఈ సీక్వెల్‌లో ఆయన పాత్ర మరింత పవర్‌ఫుల్‌గా ఉండనుందని చిత్ర వర్గాలు చెబుతున్నాయి.