అంతే పవర్‌ఫుల్‌గా..

‘అఖండ 2’లో హీరో బాలకృష్ణ వాడిన రోక్స్‌ వాహనాన్ని గ్రాండ్‌గా లాంచ్‌ చేశారు. ఎక్స్‌ డ్రైవ్‌ అత్యా ధునిక ఇంజినీరింగ్‌తో నిర్మించగా, ఎక్స్‌ స్టూడియోస్‌ దానికి అద్భుతమైన సినీమాటిక్‌ లుక్‌ను అందించింది. పవర్‌, వారసత్వం, మాస్‌ ఎనర్జీకి నిదర్శనంగా నిలిచేలా ఈ వాహనం రూపుదిద్దుకుంది. బాలకృష్ణ శక్తివంతమైన స్క్రీన్‌ ప్రెజెన్స్‌కు ప్రతిబింబంగా, కథనానికి అనుసంధానమైన డిజైన్‌తో రూపొందించబడింది. గురువారం జరిగిన ఈ వెహికల్‌ లాంచ్‌ ఈవెంట్‌కు దర్శకుడు బోయపాటి శ్రీను హాజరయ్యారు. ఈ సందర్భంగా ఆయన మాట్లాడుతూ,’అఖండ 2’కోసం 10 వెహికల్స్‌ డిజైన్‌ చేయించాం. అమర్‌ అద్భుతంగా డిజైన్‌ చేస్తారు. ఇప్పుడు మీరు చూస్తున్న ఈ రోక్స్‌ వెహికల్‌ను ఎంతో కష్టపడి గొప్పగా డిజైన్‌ చేశారు. ఈ వెహికల్‌ని యాక్షన్‌లో ఎంత అద్భుతంగా వాడుకున్నామో అది మీరు థియేటర్స్‌లో చూస్తున్నప్పుడు అర్థమవుతుంది. చాలా ప్రౌడ్‌గా ఫీల్‌ అవుతారు.

ఒక పవర్‌ ఉన్న క్యారెక్టర్‌ దిగి వస్తుంటే, దానికి తగ్గ ఒక ఆబ్జెక్ట్‌ ఉండాలి. క్యారెక్టర్‌ ఎంత పవర్‌ఫుల్‌గా ఉంటుందో ఈ వెహికల్‌ కూడా అంత పవర్‌ఫుల్‌గా ఉంటుంది. మేము కోరుకున్నట్టుగా ఈ వెహికల్‌ని చాలా తక్కువ రోజుల్లోనే అద్భుతంగా డిజైన్‌ చేసి ఇచ్చిన అమర్‌కి ధన్యవాదాలు. ‘అఖండ2′ డిసెంబర్‌ 5న రిలీజ్‌ అవుతుంది. అభిమానులు అందరూ చాలా ఆనందంగా ఫీల్‌ అయ్యే సినిమా ఇది. ఈ సినిమా భారత దేశ ఆత్మ’ అని అన్నారు. ”అఖండ2′ లాంటి ప్రతిష్టాత్మక సినిమాకి పని చేయడం మా అదృష్టం. ఇందులో మీరు చూస్తున్న ఈ వెహికల్‌ స్క్రీన్‌ మీద మెస్మరైజ్‌ చేస్తుంది. డైరెక్టర్‌ బోయపాటితో మాకు ఎప్పటినుంచో అనుబంధం ఉంది. ఈ వెహికల్‌ని ఎంతో ప్రత్యేకంగా డిజైన్‌ చేయించారు. ఈ ప్రాజెక్ట్‌లో బాగం కావడం చాలా ఆనందాన్ని ఇచ్చింది. తప్పకుండా ఈ చిత్రం మీ అందరినీ అలరిస్తుంది’ అని అమర్‌ చెప్పారు.