అందుకే.. సెన్సార్‌ వాళ్ళు ‘ఏ’ సర్టిఫికెట్‌ ఇచ్చారు

బెల్లంకొండ సాయి శ్రీనివాస్‌ నటించిన మిస్టీరియస్‌ అకల్ట్‌ థ్రిల్లర్‌ ‘కిష్కింధపురి’. అనుపమ పరమేశ్వరన్‌ హీరోయిన్‌. షైన్‌ స్క్రీన్స్‌ బ్యానర్‌పై సాహు గారపాటి నిర్మించారు. ఈ చిత్రం ఈనెల 12న విడుదల కానుంది. ఈ సందర్భంగా డైరెక్టర్‌ కౌశిక్‌ పెగల్లపాటి సోమవారం మీడియాతో సంభాషించారు. హర్రర్‌ జోనర్‌కి ఒక సపరేట్‌ ఫ్యాన్‌ బేస్‌ ఉంటుంది. హర్రర్‌ని ఇష్టపడే ఆడియన్స్‌కి నచ్చేలా ఒక కథ చేయాలని ఎప్పటినుంచో ఉండేది. ‘కిష్కిందపురి’ హర్రర్‌, మిస్టరీ రెండు బ్లెండ్‌ అయిన సినిమా. ఇందులో ఎడ్జ్‌ అఫ్‌ ది సీట్‌ థ్రిల్లింగ్‌ ఎలిమెంట్స్‌ చాలా ఉన్నాయి.నా తొలి సినిమా ‘చావు కబురు చల్లగా’లో ఓ వైవిధ్యమైన అంశాన్ని చెప్పాను. ఇప్పుడు చాలా ఇంపార్టెంట్‌ విషయాన్ని ఈ సినిమాతో చెబుతున్నాం. హీరో సాయి ఈ కథ విని, ఉన్నది ఉన్నట్లుగా తీయమని చెప్పారు. మేము ఏదైతే అనుకున్నామో అది స్క్రీన్‌ మీదకి అద్భుతంగా వచ్చింది. కథ, విజువల్‌, టెక్నికల్‌గా ఆడియన్స్‌కి ఒక మంచి అనుభూతి ఇవ్వాలని సాయి మొదటి నుంచి నన్ను చాలా సపోర్ట్‌ చేశారు. అనుపమ ఇప్పటివరకు చేయని క్యారెక్టర్‌ చేశారు. హీరో, హీరోయిన్‌ క్యారెక్టర్స్‌ని నేను చూసిన రియల్‌ లైఫ్‌ ఇన్సిడెంట్‌ ఇన్స్పిరేషన్‌గా తీసుకున్నాను.

ఇద్దరు కూడా కొత్తగా కనిపిస్తారు. వీరిద్దరూ చేసిన ‘రాక్షసుడు’ వంటి హిట్‌ తరువాత వస్తున్న సినిమా కావడంతో అందరిలోనూ అంచనాలు భారీగా పెరిగాయి. వాటిని రీచ్‌ అవుతాం.
కిష్కింధపురి అంటే మనకి రామాయణం గుర్తొస్తుంది. ఈ కథకి స్ఫూర్తి రామాయణం. అయితే ఆ స్ఫూర్తి చాలా మెటాఫర్‌గా ఉంటుంది. ఈ సినిమాని డీ కోడ్‌ చేసుకున్న వారికి రామాయణం నుంచి చాలా రిఫరెన్స్‌ దొరుకుతాయి. ఒక రేడియో స్టేషన్‌కి వెళ్లడం వల్ల జరిగిన కథ ఇది. రేడియో స్టేషన్‌ చాలా మ్యాసీవ్‌గా ఉండాలి. అలాగే ఈ కథ 1989లో మొదలవుతుంది. అలాంటి ఒక వింటేజ్‌ వైబ్‌ని క్రియేట్‌ చేశాం. దీని కోసం భారీ సెట్‌ వేశాం. ఇందులో కనిపించే లొకేషన్స్‌ కూడా చాలా డిఫరెంట్‌గా ఉంటాయి. సినిమా ఆద్యంతం పరిగెడుతూనే ఉంటుంది. కథలో చాలా యాక్షన్‌ ఉంది. దీన్ని చాలా కొత్తగా ప్రేక్షకులకు చూపించే ప్రయత్నం చేశాం. నిర్మాత సాహు ఈ కథ విన్న దగ్గర నుంచి ఇప్పటివరకు మేము ఏది కావాలంటే అది సమకూర్చారు. సినిమాకి కావలసిన ప్రతిదీ ఎక్కడ రాజీపడకుండా ఇచ్చారు. చాలా రోజుల తర్వాత ఒక మంచి హర్రర్‌ మిస్టరీ సినిమా చూసామని సెన్సార్‌ వారు చెప్పారు. కొన్ని సీక్వెన్స్‌ చాలా భయంగా అనిపించాయి, మేం భయపడితే పిల్లలు కూడా భయపడతారు కదా అని ‘ఏ’ సర్టిఫికెట్‌ ఇచ్చారు. ఈ సినిమాలో ఒక్క స్మోకింగ్‌, డ్రింకింగ్‌ షాట్‌ ఉండదు. ఫ్యామిలీతో కలిసి చూడాల్సిన క్లీన్‌ సినిమా ఇది. చేతన్‌ మ్యూజిక్‌ అదరగొట్టాడు. మూడు పాటలు అద్భుతంగా చేశాడు. ఆర్‌ఆర్‌తో సినిమాని నెక్స్ట్‌ లెవెల్‌కి తీసుకెళ్లాడు.