‘ది 100’.. ఓ ఆయుధం

ఆర్కే సాగర్‌ కమ్‌ బ్యాక్‌ ఫిల్మ్‌ ‘ది 100’. ఈ హై-ఆక్టేన్‌ క్రైమ్‌ థ్రిల్లర్‌కు రాఘవ్‌ ఓంకార్‌ శశిధర్‌ దర్శకత్వం వహించారు. కెఆర్‌ఐఏ ఫిల్మ్‌ కార్ప్‌, ధమ్మ ప్రొడక్షన్స్‌ బ్యానర్‌లపై రమేష్‌ కరుటూరి, వెంకి పుషడపు సంయుక్తంగా నిర్మించారు. ఈ చిత్రం ఈనెల 11న థియేటర్స్‌లోకి రానుంది. ఈ నేపథ్యంలో మేకర్స్‌ ప్రీరిలీజ్‌ ఈవెంట్‌ నిర్వహించారు. తెలంగాణ మంత్రులు శ్రీధర్‌ బాబు, కోమటిరెడ్డి వెంకట్‌ రెడ్డి ముఖ్య అతిథులుగా హాజరైన ఈ ప్రీరిలీజ్‌ ఈవెంట్‌ చాలా గ్రాండ్‌గా జరిగింది.
హీరో ఆర్కే సాగర్‌ మాట్లాడుతూ,’ ఈ ప్రీరిలీజ్‌ ఫంక్షన్‌ ఫ్యామిలీ ఫంక్షన్‌లా అనిపిస్తుంది. చిరంజీవి తల్లి అంజనమ్మ నా సినిమా టీజర్‌ని రిలీజ్‌ చేశారు. మాజీ ఉపరాష్ట్రపతి వెంకయ్య నాయుడు సినిమా చూసి మమ్మల్ని ఆశీర్వదించారు. సజ్జనార్‌, నాగబాబు.. బ్లెస్సింగ్స్‌ ఇచ్చారు. మంచి కంటెంట్‌ ఉన్న సినిమా ఇది. పవన్‌ కళ్యాణ్‌ ట్రైలర్‌ని లాంచ్‌ చేస్తే అందరికీ రీచ్‌ అవుతుందని ఆయన్ని వెళ్లి అడిగాను. ఆయన మా ట్రైలర్‌ని లాంచ్‌ చేయడం గొప్ప అదష్టంగా భావిస్తున్నాను. సపోర్ట్‌ చేస్తున్న ఐటి మినిస్టర్‌ శ్రీధర్‌, మంత్రి కోమటిరెడ్డికి థ్యాంక్స్‌. డైరెక్టర్‌ శశి చాలా ఫ్యాషన్‌ ఉన్న డైరెక్టర్‌. హర్షవర్ధన్‌ రామేశ్వర్‌ బ్రిలియంట్‌ మ్యూజిక్‌ ఇచ్చారు. ఈ సినిమా ఒక వెపన్‌. ఈ కథ విన్నప్పుడు నుంచి ఆడియన్స్‌కి ఎప్పుడు చూపించాలా అని ఎగ్జైటెడ్‌గా ఉన్నాను. ఈ సినిమా కచ్చితంగా విజయం సాధిస్తుంది’ అని అన్నారు.