తెలంగాణలో మున్సిపల్ ఎన్నికలకు మోగిన నగారా

నవతెలంగాణ – హైదరాబాద్‌: రాష్ర్టంలో మరో ఎన్నికల నగారా మోగింది. తెలంగాణలో 116 మున్సిపాలిటీలు, 7 మున్సిపల్ కార్పోరేషన్ లకు సాధారణ ఎన్నికల నిర్వహణకు మంగళవారం మధ్యాహ్నం షెడ్యూల్ విడుదలైంది. రాష్ర్టంలోని కలెక్టర్లు, ఎస్పీలు, పోలీసు కమిషనర్లతో రాష్ట్ర ఎన్నికల కమిషనర్‌ రాణికుముదిని సమావేశమయ్యారు. అనంతరం ఎన్నికల షెడ్యూల్‌ విడుదల చేశారు. దీంతో రాష్ట్ర వ్యాప్తంగా ఎన్నికల కోడ్‌ అమల్లోకి వచ్చింది. జనవరి 28 నుంచి నామినేషన్లు స్వీకరణ ప్రారంభమై.. 30తో గడవు ముగియనుంది. ఫిబ్రవరి 11న పోలింగ్‌ జరగనుంది. ఫిబ్రవరి 13న ఓట్ల లెక్కింపు ఉంటుందని ఈసీ పేర్కొంది. రీపోలింగ్‌ ఎక్కడైనా ఉంటే ఫిబ్రవరి 12న నిర్వహిస్తామని రాష్ట్ర ఎన్నికల కమిషనర్‌ రాణికుముదిని వెల్లడించారు.