యాక్షన్‌ థ్రిల్లర్‌గా ‘ది బ్లాక్‌ గోల్డ్‌’

నాయిక సంయుక్త నటిస్తున్న ఫస్ట్‌ ఫిమేల్‌ సెంట్రిక్‌ ఫిల్మ్‌ ‘ది బ్లాక్‌ గోల్డ్‌’. యోగేష్‌ కెఎంసి దర్శకత్వం వహిస్తున్నారు. ఇంటెన్స్‌ యాక్షన్‌ డ్రామాగా తెరకెక్కుతున్న ఈ చిత్రాన్ని ‘సామజవరగమన,
ఊరు పేరు భైరవకోన, కె-ర్యాంప్‌’ వంటి విజయవంతమైన చిత్రాలు అందించిన నిర్మాత రాజేష్‌ దండా నిర్మిస్తున్నారు. హాస్య మూవీస్‌, మాగంటి పిక్చర్స్‌తో కలిసి చేస్తున్న ఆరవ సినిమా ఇది. సంయుక్త స్వయంగా ఈ చిత్రాన్ని సమర్పిస్తున్నారు. సింధు మాగంటి సహ నిర్మాత.
దీపావళి సందర్భంగా చిత్రానికి సంబంధించిన ఇంటెన్స్‌, గ్రిప్పింగ్‌ ఫస్ట్‌ లుక్‌ పోస్టర్‌ను విడుదల చేశారు. చేతిలో పిస్టల్‌, టీషర్ట్‌, చేతులపై రక్తపు మరకలతో రైల్వే ఫ్లాట్‌ పై సంయుక్త కనిపించడం అదిరిపోయింది.
రైల్వే స్టేషన్‌ అంతా శవాలతో నిండిపోయి, ఇంటెన్స్‌ ఫైట్‌ జరిగిందని సూచిస్తుంది. ‘వెల్‌కమ్‌’ అని రాసిన బోర్డు కింద సీలింగ్‌కి వేలాడుతున్న వ్యక్తి కనిపించడం పోస్టర్‌కి మరింత క్యురియాసిటీ పెంచింది. సంయుక్త ఇప్పటివరకు చూడని యాక్షన్‌ అవతార్‌లో చూపించబోతోందని ప్రామిస్‌ చేస్తోంది. సంయుక్తని దర్శకుడు యోగేశ్‌ నెవర్‌-సీన్‌-బిఫోర్‌ అవతార్‌లో చూపించే పవర్‌ఫుల్‌ స్క్రిప్ట్‌ రాశారు. ఆమె చేసిన హై-ఆక్టేన్‌ స్టంట్స్‌ ప్రేక్షకులను షాక్‌కి గురి చేయబోతున్నాయి.
ప్రస్తుతం సినిమా హైదరాబాద్‌లో శరవేగంగా షూటింగ్‌ జరుపుకుంటోంది. ఫస్ట్‌లుక్‌ పోస్టర్‌ ద్వారా మేకర్స్‌ ఈ చిత్రాన్ని తెలుగు, తమిళ, కన్నడ, మలయాళం హిందీ భాషల్లో పాన్‌ ఇండియా విడుదల చేస్తున్నట్లు అనౌన్స్‌ చేశారు. ఈ చిత్రానికి స్క్రీన్‌ ప్లే – దర్శకత్వం: యోగేష్‌, నిర్మాత: రాజేష్‌ దండా, సహ నిర్మాత: సింధు మాగంటి, డీవోపీ: ఎ.వసంత్‌, సంగీతం: సామ్‌ సిఎస్‌, ఎడిటర్‌: ఛోటా కె ప్రసాద్‌, ప్రొడక్షన్‌ డిజైనర్‌: సాహి సురేష్‌, కథ, డైలాగ్స్‌: యోగేష్‌, ప్రసాద్‌ నాయుడు, స్క్రిప్ట్‌ కో-ఆర్డినేటర్‌: మధు విప్పర్తి, యాక్షన్‌: రామ్‌ కష్ణ, సాహిత్యం: రామజోగయ్య శాస్త్రి, ఎగ్జిక్యూటివ్‌ ప్రొడ్యూసర్‌: కిరణ్‌ పోపూరి.