మనసుల్ని కదిలించే ‘నాన్నా..’ పాట

‘కమిటీ కుర్రోళ్లు, లక్కీ భాస్కర్‌, సరిపోదా శనివారం, మెర్సీ కిల్లింగ్‌’ తదితర చిత్రాలకు గద్దర్‌ అవార్డులు వచ్చిన సంగతి తెలిసిందే. వీటిల్లో నటించిన సాయి కుమార్‌ ప్రస్తుతం తెలుగు, కన్నడ భాషల్లో తెరకెక్కుతున్న ‘చౌకీదార్‌’ చిత్రంలో నటిస్తున్నారు. ఈ చిత్రంలో పథ్వీ అంబర్‌, ధన్యా రమ్యకుమార్‌ జంటగా నటిస్తున్నారు. ఈ మూవీని వీఎస్‌ ఎంటర్టైన్మెంట్స్‌ బ్యానర్‌ మీద డా.కల్లహల్లి చంద్ర శేఖర్‌ నిర్మిస్తుండగా, చంద్రశేఖర్‌ బండియప్ప తెరకెక్కిస్తున్నారు.
తాజాగా ఈ చిత్రానికి సంబంధించిన ఓ ఎమోషనల్‌ సాంగ్‌ను రిలీజ్‌ చేశారు. నాన్న గొప్పదనం చాటి చెప్పేలా గుండెను పిండేసేలా ఓ చక్కటి బాణీని అందించారు. ‘నాన్నా…’ అంటూ సాగే ఈ పాటను సంతోష్‌ వెంకీ రచించగా.. విజరు ప్రకాష్‌ ఆలపించారు. సచిన్‌ బస్రూర్‌ అందించిన బాణీ అయితే ప్రతీ ఒక్కరి మనసుని కదిలించేలా ఉంది.
తండ్రి త్యాగాల్ని, మోసే బాధ్యతల్ని, చూపించే ప్రేమను చాటేలా పాటను రచించారు. ఈ సినిమాతో మరోసారి సాయి కుమార్‌ తండ్రిగా ప్రేక్షకుల్ని ఆకట్టుకోనున్నారు. పథ్వీ అంబర్‌, సాయి కుమార్‌ మధ్య వచ్చే ఎమోషనల్‌ సీన్స్‌ అందర్నీ అలరిస్తాయి. ఆలోచింపజేసేలా ఉంటాయి. ఈ సినిమా కచ్చితంగా మంచి విజయాన్ని సొంతం చేసుకుంటుంది అని మేకర్స్‌ అన్నారు.