నామినేషన్ల ప్రక్రియ పకడ్బందీగా నిర్వహించాలి 

నవతెలంగాణ – వలిగొండ రూరల్
సర్పంచ్ ఎన్నికలలో ప్రారంభమైన నామినేషన్ల ప్రక్రియ పకడ్బందీగా నిర్వహించాలని జిల్లా కలక్టర్ హనుమంత రావు అన్నారు. ఆదివారం మండలంలో 11 క్లస్టర్ లలో నామినేషన్ల ప్రక్రియ ప్రారంభం అయ్యింది. అందులో మండలంలోని వలిగొండ, పులిగిల్ల, రెడ్లరేపాక, గొల్లేపెల్లి లో ఏర్పాటుచేసిన నామినేషన్ క్లస్టర్ లను ఆయన పరిశీలించి నామినేషన్ ప్రక్రియ పకడ్బందీగా నిర్వహించాలని, తప్పులు లేకుండా చూసుకోవాలని ఆర్ ఓ లకు సూచించారు. నాగారం వద్ద ఏర్పాటుచేసిన చెక్ పోస్టును సందర్శించి మద్యం, డబ్బులు అక్రమ రవాణా జరగకుండా చూసుకోవాలని తెలిపారు. ఆయనతో పాటు డిఆర్డీఓ నాగిరెడ్డి, స్థానిక ఎంపిడిఓ జలంధర్ రెడ్డి, తహశీల్దార్ దశరథ, ఎన్నికల సిబ్బంది పాల్గొన్నారు.