Sunday, November 30, 2025
E-PAPER
Homeజాతీయంరోడ్లు రక్తసిక్తం

రోడ్లు రక్తసిక్తం

- Advertisement -

వేర్వేరు ప్రమాదాల్లో ఏడుగురు దుర్మరణం
మృతుల్లో ఒకే కుటుంబానికి చెందిన ఐదుగురు

అమరావతి : రోడ్లు రక్తసిక్తమయ్యాయి. శనివారం జరిగిన రెండు రోడ్డు ప్రమాదాల్లో ఏడుగురు దుర్మరణం చెందారు. వీరిలో ఐదుగురు ఒకే కుటుంబానికి చెందిన వారు. పోలీసుల కథనం ప్రకారం… కర్ణాటక రాష్ట్రం కోలార్‌ జిల్లా బంగారుపేటకు చెందిన ఒక కుటుంబం కర్నూలు జిల్లా మంత్రాలయం రాఘవేంద్ర స్వామి దర్శనానికి ఫార్చూనర్‌ కారులో వెళ్తోంది. కర్నూలు జిల్లా ఎమ్మిగనూరు మండలం కోటేకల్‌ మలుపు వద్ద వీరి కారును ఎదురుగా వస్తున్న మారుతి స్విఫ్ట్‌ కారు బలంగా ఢీకొట్టింది. దీంతో, ఫార్చూనర్‌ కారులోని కర్ణాటకకు చెందిన వెంకటేశప్ప (76), ఆయన కుమారుడు సతీష్‌ కుమార్‌ (34), కోడలు మీనాక్షి (32), మనువళ్లు బణీత్‌ గౌడ (5), రిత్విక్‌ (4) అక్కడికక్కడే మృతి చెందారు. కారు డ్రైవర్‌, మరో మహిళ గాయాలతో బయటపడ్డారు. ప్రమాదానికి అతివేగం, పొగ మంచు కారణమని చెప్తున్నారు.

ఫార్చూనర్‌ కారులో ఎయిర్‌ బెలూన్లు ఓపెన్‌ కావడంతో ఆ కారులోని ముగ్గురు స్వల్పగాయాలతో బయటపడ్డారు. ఈ ప్రమాదంపై డిఐజి కోయ ప్రవీణ్‌, జాయిట్‌ కలెక్టర్‌ నూరుల్‌ కమర్‌ మాట్లాడుతూ పోస్టుమార్టం అనంతరం మృతదేహాలను బంధువులకు అప్పజెప్తామన్నారు. సబ్‌ కలెక్టర్‌ కొండయ్య, ఎఎస్‌పి హుస్సేన్‌ పీరా, ఆదోని డిఎస్‌పి భార్గవి, తహశీల్దార్‌ శేషఫణి సంఘటనా స్థలాన్ని పరిశీలించారు. ఎమ్మిగనూరు రూరల్‌ పోలీసులు కేసు దర్యాప్తు చేస్తున్నారు. కృష్ణా జిల్లా కంకిపాడు మండలం నెప్పల్లి వద్ద బైక్‌ అదుపుతప్పి డివైడర్‌ను ఢీకొట్టింది. ఈ ప్రమాదంలో కొమటిగుంటలాకు చెందిన సందోలు నరసింహులు (45), ఉయ్యూరుకు చెందిన పచ్చిగళ్ల దానియేలు (25) అక్కడికక్కడే మృతి చెందారు. సంఘటనా స్థలాన్ని సిఐ మురళీకృష్ణ, ఎస్‌ఐ సందీప్‌ పరిశీలించారు. కంకిపాడు పోలీసులు కేసు దర్యాప్తు చేస్తున్నారు.

- Advertisement -
RELATED ARTICLES
- Advertisment -

తాజా వార్తలు

- Advertisment -