దేశభక్తి నేపథ్యంలో ‘భగ..భగ’ పాట

నిహాల్‌ కోధాటి, సూర్య శ్రీనివాస్‌ హీరోలుగా అక్కి విశ్వనాధ రెడ్డి దర్శకత్వంలో రూపొందుతున్న యూనిక్‌ స్పై డ్రామా ‘చైనా పీస్‌’. మూన్‌ లైట్‌ డ్రీమ్స్‌ బ్యానర్‌లో తెరకెక్కిన ఈ చిత్రంలో కమల్‌ కామరాజు, రఘు బాబు, రంగస్థలం మహేష్‌, శ్రీనివాస్‌ వడ్లమాని, శ్రీకాంత్‌ అయ్యంగార్‌ కీలక పాత్రలు పోషించారు. ఇప్పటికే ఈ సినిమా ప్రమోషనల్‌ కంటెంట్‌ మంచి బజ్‌ని క్రియేట్‌ చేసింది. యూనిక్‌ కాన్సెప్ట్‌, ప్రెజెంటేషన్‌, యాక్షన్‌, థ్రిల్‌, హ్యుమర్‌ ఎలిమెంట్స్‌తో టీజర్‌ సినిమా పై అంచనాలు పెంచింది. తాజాగా మేకర్స్‌ ఈ సినిమా నుంచి ‘భగ భగ..’ సాంగ్‌ రిలీజ్‌ చేశారు. కంపోజర్‌ కార్తిక్‌ దేశభక్తి రగిలించేలా ఈ పాటని స్వరపరిచారు. కాల భైరవ పవర్‌ఫుల్‌ వోకల్స్‌ సాంగ్‌ని నెక్స్ట్‌ లెవల్‌కి తీసుకెళ్ళింది. తన పదాలని ఆయుధాలుగా మార్చి రెహమాన్‌ రాసిన లిరిక్స్‌ అందరినీ హత్తుకున్నాయి. ఫిబ్రవరి చివరి వారంలో ఈ సినిమా ప్రేక్షకుల ముందుకు రానుంది అని చిత్ర యూనిట్‌ తెలిపింది.