ప్రపంచంలో నేతొలి 6జీ పవర్డ్‌

– ఎలక్ట్రానిక్‌ వార్‌ఫేర్‌ సిస్టమ్‌
– అమెరికా ఆధిపత్యానికి సవాలు
– ఎఫ్‌-35 రాడార్‌ను సెకన్లలోనే జామ్‌ చేయగల సామర్థ్యం
– చైనా శాస్త్రవేత్తల ఆవిష్కరణ
షాంఘై : ప్రపంచంలో శాస్త్ర సాంకేతిక రంగంలో చైనా దూసుకుపోతున్నది. మిగతా దేశాలతో పోలిస్తే వినూత్న పరిశోధనలతో తన సత్తా చాటుతున్నది. ఇప్పటికే 6జీ టెక్నాలజీలో ఆ దేశం ప్రపంచంలోనే అగ్రగామిగా ఉన్నది. ఇప్పుడు చైనా శాస్త్రవేత్తలు ఆ 6జీ టెక్నాలజీని ఉపయోగించే ఒక కొత్త ఎలక్ట్రానిక్‌ వార్‌ఫేర్‌ సిస్టమ్‌ను ఆవిష్కరించారు. ఇది అధునాతనమైనదనీ, ఆధునిక రాడార్ల కంటే చాలా శక్తివంతమైనదని వివరించారు. అమెరికా వైమానిక ఆధిపత్యాన్ని సవాలు చేస్తూ చైనా ఈ వ్యవస్థను తీసుకొచ్చింది. ఇది అమెరికాకు చెందిన ఎఫ్‌-35 రాడార్‌ సిస్టమ్‌ను కేవలం సెకన్లలోనే నిలిపివేయగలదని శాస్త్రవేత్తలు చెప్తున్నారు. హువాజోంగ్‌ యూనివర్సిటీ ఆఫ్‌ సైన్స్‌ అండ్‌ టెక్నాలజీ (హెచ్‌యూఎస్‌టీ) ప్రొఫెసర్‌ డెంగ్‌ లీ నేతృత్వంలో దీనిని రూపొందించారు. రాడార్‌ న్యూట్రలైజేషన్‌లో ఇది చైనాకు ఆధిపత్యాన్ని తీసుకురానున్నదని విశ్లేషకులు, నిపుణులు అంచనా వేస్తున్నారు.