ఏ బ్యాక్‌గ్రౌండ్‌ లేకుండా సినిమా ఇండిస్టీలో రాణించాలని ఆశపడే ఔత్సాహిక నటీనటులు, సాంకేతిక నిపుణులకు అండగా నిలబడుతూ హీరో కిరణ్‌ అబ్బవరం సుమైర స్టూడియోస్‌తో కలిసి తన కేఏ ప్రొడక్షన్స్‌ పై నిర్మిస్తున్న సినిమా ‘తిమ్మరాజుపల్లి టీవీ’. తేజేశ్వర్‌ రెడ్డి వేల్పుచర్ల సహ నిర్మాత. ఈ చిత్రంతో సాయి తేజ్‌, వేద శ్రీ హీరో, హీరోయిన్స్‌గా పరిచయమవుతున్నారు. కిరణ్‌ అబ్బవరం గత సినిమాల్లో కెమెరా అసిస్టెంట్‌గా సాయి తేజ్‌ పని చేశాడు.
ఈ చిత్రంతో వి.మునిరాజు దర్శకుడిగా అరంగేట్రం చేస్తున్నారు. కిరణ్‌ అబ్బవరం మూవీస్‌కు వి.మునిరాజు ఆన్‌లైన్‌ ఎడిటింగ్‌ చేసేవారు.
ఈ సినిమా టైటిల్‌, ఫస్ట్‌ లుక్‌ ఆసక్తిని కలిగిస్తున్నాయి. విలేజ్‌ బ్యాక్‌డ్రాప్‌లో సాగే పీరియాడిక్‌ డ్రామాగా ఈ సినిమా రూపొందుతోంది. ఈ సినిమాకు సంబంధించిన ప్రీ ప్రొడక్షన్‌ వర్స్క్‌ ప్రస్తుతం జరుగుతున్నాయి. ఈ ఏడాది చివరలో ఈ సినిమా షూటింగ్‌ ప్రారంభించనున్నారు. ప్రదీప్‌ కొట్టె, తేజ విహాన్‌, స్వాతి కరిమిరెడ్డి, అమ్మ రమేష్‌, సత్యనారాయణ వడ్డాది, మాధవి ప్రసాద్‌ తదితరులు నటిస్తున్న ఈ చిత్రానికి ఆర్ట్‌ డైరెక్టర్‌ – సుధీర్‌ మాచర్ల, క్రియేటివ్‌ ప్రొడ్యూసర్‌ – రితికేష్‌ గోరక్‌, ఎగ్జిక్యూటివ్‌ ప్రొడ్యూసర్‌ – కేఎల్‌ మదన్‌, డీవోపీ – అక్షరు రామ్‌ పొదిశెట్టి.
