‘టిక్కల్‌ టిక్కల్‌..ఢమాల్‌ ఢమాల్‌’

హీరో కిరణ్‌ అబ్బవరం నటిస్తున్న కొత్త సినిమా ‘కె-ర్యాంప్‌’. ఈ సినిమాను హాస్య మూవీస్‌, రుద్రాంశ్‌ సెల్యులాయిడ్‌ బ్యానర్‌ల మీద ప్రొడ్యూసర్‌ రాజేష్‌ దండ, శివ బొమ్మకు సంయుక్తంగా నిర్మిస్తున్నారు. జైన్స్‌ నాని దర్శకత్వం వహిస్తున్నారు. ఈ మూవీ దీపావళి పండుగ సందర్భంగా ఈ నెల 18న గ్రాండ్‌ థియేట్రికల్‌ రిలీజ్‌కు రాబోతోంది. ఈ నేపథ్యంలో మంగళవారం ఈ సినిమా నుంచి థర్డ్‌ సింగిల్‌ ‘టిక్కల్‌ టిక్కల్‌..’ విడుదల చేశారు. చేతన్‌ భరద్వాజ్‌ ఎనర్జిటిక్‌ ట్యూన్‌తో కంపోజ్‌ చేసిన ఈ పాటకు సురేంద్ర కృష్ణ లిరిక్స్‌ రాశారు. సాయి చరణ్‌ భాస్కరుని పాడారు.

‘టిక్కల్‌ టిక్కల్‌, ఢమాల్‌ ఢమాల్‌.. కలిసి వచ్చే కాలం ముందు నువ్వు సూపర్‌ రా.. టైమ్‌ కాస్త బ్యాడ్‌ అయితే కె ర్యాంప్‌ రా..ఫ్లవర్‌ లాంటి లవర్‌ ఉంటే లైఫ్‌ సూపర్‌ రా, ఫ్లవర్‌ కాస్త ఫైర్‌ అయితే కె ర్యాంప్‌ రా, ఒక్క పెగ్‌ కిక్కు ఇస్తే నువ్వు సూపర్‌ రా, ఫుల్‌ కొట్టినా పిచ్చి పడితే కె ర్యాంప్‌ రా..’ అంటూ లవర్‌, లైఫ్‌ మధ్య హీరో ఎలా నలిగిపోయాడో చూపిస్తూ ఆకట్టుకునేలా సాగుతుందీ పాట అని చిత్ర యూనిట్‌ తెలిపింది. కిరణ్‌ అబ్బవరం, యుక్తి తరేజా, నరేష్‌, సాయి కుమార్‌, వెన్నెల కిషోర్‌ తదితరులు నటిస్తున్న ఈ చిత్రానికి ప్రొడక్షన్‌ డిజైనర్‌ – బ్రహ్మ కడలి, యాక్షన్‌ – పథ్వీ, ఎడిటర్‌ – ఛోటా కె ప్రసాద్‌, డీవోపీ – సతీష్‌ రెడ్డి మాసం, మ్యూజిక్‌ – చేతన్‌ భరద్వాజ్‌, కో-ప్రొడ్యూసర్‌-బాలాజీ గుట్ట, ప్రొడ్యూసర్‌ – రాజేష్‌ దండా-శివ బొమ్మకు, రచన, దర్శకత్వం – జైన్స్‌ నాని.