ఆదివారం నుండి అందుబాటులో యూరియా బుకింగ్ మొబైల్ యాప్..

జిల్లా వ్యవసాయ శాఖ అధికారి రమణ రెడ్డి..
నవతెలంగాణ – భువనగిరి కలెక్టరేట్
ఈ ఫర్టిలైజర్ యూరియా యాప్ అనేది మన జిల్లాలో రేపటినుండి అమలులోకి వస్తుందని జిల్లా వ్యవసాయ శాఖ అధికారి రమణారెడ్డి శనివారం ఒక ప్రకటనలో తెలిపారు. మీ మొబైల్ నెంబర్ ను ఉపయోగించి రైతులు యూరియా బుకింగ్ అప్ లో సులభంగా లాగిన్ అవ్వవచ్చు. జిల్లాలోని రిటైలర్ల వారీగా అందుబాటులో ఉన్న యూరియా బ్యాగులో ప్రస్తుత స్టాక్ ను ఎవరైనా తనిఖీ చేయవచ్చు. యూరియా బుకింగ్ను పూర్తి చేయడానికి పట్టా భూ యజమానులు ఆర్వోఎఫ్ ఆర్ పట్టాదారులు నాన్ పట్టా రైతులు మరియు కౌలుదారులు మాత్రమే అర్హులు . మీ గుర్తింపును నిర్ధారించడానికి మరియు బుకింగ్ సురక్షితం చేయడానికి మీ పట్టా పాస్ బుక్ తో లింక్ చేయబడిన మొబైల్ నెంబర్ కు ఒక వన్ టైం పాస్వర్డ్ పంపబడుతుంది.

రిటైలర్లు నివేదించిన రియల్ టైం స్టాక్ లభ్యత ఆధారంగా రైతులు యూరియా బ్యాగులను బుక్ చేసుకోవచ్చు. మీ బుకింగ్ విజయవంతంగా పూర్తి అయిన తర్వాత మీరు రిఫరెన్స్ కోసం ఒక ప్రత్యేకమైన బుకింగ్ ఐడి రూపొందించబడుతుంది.  మీ భూమిలో నమోదు చేయబడిన సాగు విస్తీర్ణం ఆధారంగా బుక్ చేసుకోవడానికి అందుబాటులో ఉన్న యూరియా బ్యాగుల సంఖ్య స్వయంచాలకంగా నిర్ణయించబడుతుంది. పంపిణీ సమర్థవంతంగా నిర్వహించడానికి మీ సాగు విస్తీర్ణం ప్రకారం బుకింగ్లు నిర్దిష్ట విరామాలతో బహుళ విడతలుగా విభజించబడతాయి. జిల్లాలోని ఏదైనా రిటైలర్ లేదా పి ఏ సి ఎస్   బుక్ చేసుకున్న యూరియాను కొనుగోలు చేసే సౌలభ్యం మీకు ఉంది. 

మీరు మీ మొత్తం బుకింగ్ పరిమాణాన్ని వివిధ రిటైలర్ల నుండి పొందవచ్చు. దయచేసి గమనించండి సాగు ట్యాబ్ లో భూమి విస్తీర్ణం నమోదు చేసిన తర్వాత దానిని మార్చడానికి వీల్లేదు. బుకింగ్ కేవలం 24 గంటలు మాత్రమే యాక్టివ్ గా ఉంటుంది ఆ తర్వాత ఉపయోగించకపోతే స్టాక్ ను తిరిగి సిస్టం లోకి విడుదల చేయడానికి బుకింగ్ ఆటోమేటిక్గా గడువు ముగుస్తుందనారు. రైతులు గమనించాల్సింది ఏమనగా రేపటినుండి యూరియా కేవలం ఆప్ ద్వారా మాత్రమే కొనుగోలు చేయాల్సి ఉంటుందని,  భౌతికంగా యూరియా డిస్ట్రిబ్యూషన్ జరగదనారు.