ఆళ్లపాడులో పశువులకు గాలికుంటు వ్యాధి నివారణ టీకాలు 

నవతెలంగాణ – బోనకల్  : మండల పరిధిలోని ఆళ్ళపాడు గ్రామంలో పశువులకు గాలికుంటు వ్యాధి నివారణ టీకాల కార్యక్రమాన్ని మండల పశు వైద్య సిబ్బంది గురువారం నిర్వహించారు. ఈ కార్యక్రమాన్ని ఆ గ్రామ సర్పంచ్ తెల్లబోయిన నాగేశ్వరరావు ప్రారంభించారు. ఈ బస్సు వైద్య శిబిరంలో 66 పశువులకు గాలి కుంటి వ్యాధి నిరోధక టీకాలు వేశారు.పశుగణాభివృది సంస్థ ఆధ్వర్యంలో 21 పశువులకు గర్భకోశ వ్యాధి చికిత్సలు చేశారు. ఈ సందర్భంగా సర్పంచ్ నాగేశ్వరరావు మాట్లాడుతూ రైతులందరూ తమ పశువులకు గాలి కుంటి వ్యాధి నివారణ కేకాలు వేయించుకోవాలని సూచించారు. ఈ టీకాలవలన పశువులు ఆరోగ్యవంతంగా ఉంటాయి అన్నారు. ఈ కార్యక్రమంలో ఉప సర్పంచ్ బండి సైదమ్మ, లైవ్ స్టాక్ అసిస్టెంట్ వెంకటనారాయణ, గరిడేపల్లి నాగేంద్రరావు, రవికృష్ణ, శ్రీకాంత్, పశుమిత్ర త్రివేణి, పశుగణాభివృది సంస్థ సూపర్వైజర్ మోత్కూరు వెంకయ్య, గోపాలమీత్ర అశోక్,  నాగేశ్వరావు తదితరులు పాల్గొన్నారు.