కేసీఆర్, హరీష్ రావులను అసెంబ్లీ వేదికగా దోషులుగా నిలబెట్టబోతున్నాం..

వందేళ్లు ఉండాల్సిది.. మూడు ఏళ్లకే కూలిన కాళేశ్వరం ప్రాజెక్టు..
బిఆర్ఎస్, బిజెపి లకు 42 శాతం బీసీ రిజర్వేషన్ పై చిత్తశుద్ధి లేదు..
నిజామాబాద్ రూరల్ లోని వరద బాధితులను ఆదుకుంటున్నాం 
వరదలపై ఎప్పటికప్పుడు స్పందించి అధికారులతో మాట్లాడి చర్యలు తీసుకుంటున్నాం…
నిజామాబాద్ రూరల్ ఎమ్మెల్యే డాక్టర్ రేకులపల్లి భూపతిరెడ్డి 
నవతెలంగాణ – డిచ్ పల్లి
కెసిఆర్, హరీష్ రావులను అసెంబ్లీ వేదికగా త్వరలోనే దో షులుగా నిలబెట్టబోతున్నామని, వందేళ్లు ఉండాల్సిన ప్రాజెక్టు మూడు ఏళ్లకే కూలిన కాళేశ్వరం ప్రాజెక్టు అని.. బిఆర్ఎస్, బిజెపి లకు 42 శాతం బీసీ రిజర్వేషన్ పై ఎంతమాత్రం చిత్తశుద్ధి లేదని, కాలేశ్వరం ప్రాజెక్టు అతిపెద్ద స్కాండలని, గత కెసిఆర్ ప్రభుత్వం  సుమారు లక్ష కోట్ల ఖర్చుపెట్టిన  ప్రాజెక్టు నిర్వేర్యం అయిందని నిజామాబాద్ రూరల్ ఎమ్మెల్యే డాక్టర్ రేకులపల్లి భూపతిరెడ్డి అన్నారు. శుక్రవారం నిజామాబాద్ రూరల్ క్యాంపు కార్యాలయంలో ఏర్పాటు చేసిన  విలేకరుల సమావేశంలో ఆయన మాట్లాడుతూ… కాలేశ్వరం ప్రాజెక్టు వంద ఏళ్లు ఉండాల్సినది, మూడేళ్లకే కూలిందని, గత ప్రభుత్వం తప్పు చేయలేదని బిఆర్ఎస్ అధ్యక్షులు కేసీఆర్, హరీష్ రావులు అంటున్నారన్నారు.

కాలేశ్వరం ప్రాజెక్టు అవినీతిపై కమిటీ ఇచ్చిన నివేదిక  అసెంబ్లీలోపెట్టుతున్నామని, కెసిఆర్, హరీష్ రావులు  దోషులుగా తేలారని, రేపు జరగబోయే అసెంబ్లీ లో అసెంబ్లీ వేదికగా వారిద్దరిని  దోషులుగా నిలబెట్టబోతున్నామని  ఎమ్మెల్యే డాక్టర్ రేకులపల్లి భూపతిరెడ్డి తెలిపారు. కెసిఆర్ ముందు నుంచి  ఘోష్ కమిటీని వ్యతిరేకిస్తూ, కమిటీ  నివేదిక వచ్చిన  తర్వాత కోర్టుని ఆశ్రయించి, నివేదిక నిలిపివేయాలని కోర్టులో పిటిషన్ వేశారని, ఇదంతా చూస్తే బిఆర్ఎస్ గత ప్రభుత్వం  కెసిఆర్ తప్పు చేసినట్టు అర్థం అవుతుందని అన్నారు. 42 శాతం బీసీ రిజర్వేషన్ల కోసం అసెంబ్లీలో బిల్లు పెట్టామని, చట్టం చేసి గవర్నర్ కు పంపితే గవర్నర్ సంతకం చేసి కేంద్ర ప్రభుత్వానికి పంపించగా కేంద్ర ప్రభుత్వం బీసీ రిజర్వేషన్ ఇవ్వడానికి  వెనకడుగు వేస్తుందని దుయ్యబట్టారు. బిఆర్ఎస్, బిజెపి పార్టీలు  అసెంబ్లీలో బీసీ రిజర్వేషన్  కు మద్దతు ఇచ్చి, పార్లమెంటులో మద్దతు ఇవ్వకపోవడం  బిఆర్ఎస్, బిజెపి లకు రిజర్వేషన్ల విషయంలో చిత్తశుద్ధి లేదని విమర్శించారు.

కొత్తగా రిజర్వేషన్లలలో ఎవరికి ప్రవేశం ఇవ్వలేదని, బిజెపి పాలిత ప్రాంత రాష్ట్రాలలో ముస్లింలు బీసీల్లో ఉన్నారని, ఈ వంకతో రిజర్వేషన్లు అడ్డుకుంటున్న బిజెపి వారు  పాలించే రాష్ట్రాల్లో ముస్లింలను తొలగించి చూపాలని డిమాండ్ చేశారు. బిఆర్ఎస్, బిజెపి పార్టీలు  బిసీలకు వ్యతిరేకంగా పనిచేస్తున్నాయని ఆరోపించారు.  గురువారం నిజామాబాద్ రూరల్ నియోజవర్గంలో  కొన్ని గ్రామాలను భారీ వర్షాలు ముంచేత్తిందని, వాడి, కొండూర్, బీరప్ప తండా,నడిమి తండా, లక్ష్మీ చెరువు తండా, చిన్న వాల్గోట్, పెద్ద వాల్గోట్  గ్రామాలలోకి భారీ ఎత్తున నీళ్లు వచ్చాయని, వందేళ్లలో లేనంత వరద వచ్చిందని అక్కడ ప్రజలు తెలిపారని చెప్పారు. ఎక్కడ ఎలాంటి ప్రాణా నష్టం జరగలేదని, ఆస్తి నష్టం జరిగిందని, వరదలపై ఎప్పటికప్పుడు స్పందించి అధికారులతో మాట్లాడి చర్యలు తీసుకుంటున్నామన్నారు. కొంత మందిని పునరావాస నివాసం కోసం ఓన్నజిపేట్ గ్రామంలోని హైస్కూల్లో  ఏర్పాటు చేశామని వారికి ఎప్పటికప్పుడు వైద్య కోసం క్యాంపు ఏర్పాటు చేశామని అన్నారు.

ఆహారం, నీళ్లు వసతి కల్పించామని వివరించారు. డిచ్ పల్లి మండలం లోని బర్దిపూర్, ధర్మారం వాగు పక్కన నివసిస్తున్న ప్రజలకు వరద ముంచేసిందని , వారిని ధర్మారం హైస్కూల్లోకి తరలించామన్నారు. వారికి ఆహారం, నీళ్లు, బట్టలు,  వైద్య సదుపాయాలు కల్పించామని పేర్కొన్నారు. అలాగే బోర్గం బ్రిడ్జికి అనుకొని ఉన్న వాగులు  ప్రక్కన ఉన్న పాంగ్ర ప్రజలను ఒక ఫంక్షన్ హాల్ లో  నివాసం ఏర్పాటు చేశామని అన్నారు. వీరికి ఆహార సదుపాయాలు కల్పించామని, నిత్యవసరాలు, వైద్య సదుపాయం కల్పించామన్నారు. కొంతమంది ఇల్లు ఫాక్షికంగా దెబ్బ తిన్నాయని అన్నారు. త్వరలో అధికారులు విచారణ చేపట్టి నివేదిక ఇచ్చిన తర్వాత వారికి అన్ని విధాలు ఆదుకుంటామని అన్నారు. గత రెండు రోజుల్లోగా కురిసిన వర్షం వల్ల జరిగే నష్టం విషయంపై  నివేదికలు తెప్పించుకుంటున్నామని, వారిని ప్రజా ప్రభుత్వం అన్ని విధాల ఆదుకుంటుందని నిజామాబాద్ రూరల్ ఎమ్మెల్యే భూపతి రెడ్డి హామీ ఇచ్చారు. ఈ సమావేశంలో మాజీ  ఐ సి డి ఎం ఎస్ చైర్మన్  మునిపల్లి సాయి రెడ్డి, రూరల్ బ్లాక్ కాంగ్రెస్ అధ్యక్షులు  పొలసాని శ్రీనివాస్, డిచ్ పల్లి సొసైటీ చైర్మన్  రామచందర్ గౌడ్, ఏఎంసి  డైరెక్టర్ బాగా రెడ్డి, నరేందర్, రాజలింగం  తదితరులు పాల్గొన్నారు.