‘ది గర్ల్‌ ఫ్రెండ్‌’ రిలీజ్‌ ఎప్పుడంటే?

రష్మిక మందన్న, హీరో దీక్షిత్‌ శెట్టి జంటగా నటిస్తున్న సినిమా ‘ది గర్ల్‌ ఫ్రెండ్‌’. నిర్మాత అల్లు అరవింద్‌ సమర్పణలో గీతా ఆర్ట్స్‌, ధీరజ్‌ మొగిలినేని ఎంటర్‌టైన్‌మెంట్‌ బ్యానర్స్‌ సంయుక్తంగా నిర్మిస్తున్నాయి. బ్యూటీఫుల్‌ లవ్‌ స్టోరీతో దర్శకుడు రాహుల్‌ రవీంద్రన్‌ రూపొందిస్తున్నారు. ధీరజ్‌ మొగిలినేని, విద్య కొప్పినీడి నిర్మాతలుగా వ్యవహిస్తున్నారు. శనివారం ఓ స్పెషల్‌ వీడియోతో ఈ సినిమా రిలీజ్‌ డేట్‌ను మేకర్స్‌ అనౌన్స్‌ చేశారు. నవంబర్‌ 7న ఈ చిత్రాన్ని హిందీతో పాటు తెలుగు, తమిళ, మలయాళ, కన్నడ భాషల్లో వరల్డ్‌ వైడ్‌గా గ్రాండ్‌ థియేట్రికల్‌ రిలీజ్‌ చేస్తున్నట్లు ప్రకటించారు.

‘ప్రేమికులుగా మనం ఒకే టైపా, ఒకరికొకరం ఎంతవరకు కరెక్ట్‌ ?, రకరకాల కారణాలతో కలిసే ప్రేమికుల్లో ఎంతమందికి ఈ క్లారిటీ ఉంటుంది?. మీకు ఉందా?, నవంబర్‌ 7న థియేటర్స్‌కు రండి డిస్కస్‌ చేద్దాం..’ అంటూ ప్రేక్షకుల్ని రష్మిక, దీక్షిత్‌ ఇన్వైట్‌ చేస్తున్న రిలీజ్‌ డేట్‌ అనౌన్స్‌మెంట్‌ వీడియో ఇన్నోవేటివ్‌గా ఉండి అందర్నీ ఆకట్టుకుంటోంది అని చిత్ర యూనిట్‌ తెలిపింది. ఈచిత్రానికి సినిమాటోగ్రఫీ – కృష్ణన్‌ వసంత్‌, సంగీతం – హేషమ్‌ అబ్దుల్‌ వాహబ్‌, ప్రొడక్షన్‌ డిజైన్‌ – ఎస్‌ రామకృష్ణ, మౌనిక నిగోత్రి.