టీజర్‌ రిలీజ్‌ ఎప్పుడంటే?

హీరో రామ్‌ పోతినేని నటిస్తున్న యూనిక్‌ ఎంటర్‌టైనర్‌ ‘ఆంధ్రా కింగ్‌ తాలూక’. మహేష్‌ బాబు పి దర్శకత్వంలో మైత్రి మూవీ మేకర్స్‌ నిర్మించిన ఈ చిత్రం నవంబర్‌ 28న గ్రాండ్‌ థియేట్రికల్‌ విడుదలకు సిద్ధమవుతోంది. ఈ చిత్ర టీజర్‌ను ఈనెల 12న విడుదల చేయనున్నట్లు మేకర్స్‌ శుక్రవారం ప్రకటించారు. టీజర్‌ పోస్టర్‌లో రామ్‌, భాగ్యశ్రీ ఇద్దరూ నవ్వుతూ కనిపించగా, వారి మధ్యలో ప్రొజెక్టర్‌ లైట్‌ బీమ్‌ కనిపించడం సినిమాటిక్‌ థీమ్‌ను ప్రజెంట్‌ చేస్తోంది. ఇప్పటికే వివేక్‌, మెర్విన్‌ అందించిన మొదటి రెండు పాటలతో టీం హ్యుజ్‌ హైప్‌ క్రియేట్‌ చేసింది. ఫస్ట్‌ సింగిల్‌ ‘నువ్వుంటే చాలే’ ద్వారా రామ్‌ తన సింగింగ్‌ డెబ్యూ చేస్తూ అందరినీ ఆకట్టుకున్నాడు.

ఈ పాట ప్రేక్షకుల మనసులను దోచుకుని బిగ్గెస్ట్‌ మ్యూజికల్‌ హిట్‌గా నిలిచింది. రెండవ పాట ‘పప్పీ షేమ్‌ ‘డిఫరెంట్‌ వైబ్‌తో అదిరిపోయింది. ఈ సాంగ్‌కి రామ్‌ స్వయంగా వాయిస్‌ ఇచ్చారు. ఉపేంద్ర సూపర్‌ స్టార్‌గా కీలక పాత్ర పోషిస్తున్న ఈ చిత్రంలో రావు రమేష్‌, మురళీ శర్మ, సత్య, రాహుల్‌ రామకృష్ణ, వీటీవీ గణేష్‌ తదితరులు నటిస్తున్నారు. ఈ చిత్రానికి కథ – స్క్రీన్‌ ప్లే – దర్శకత్వం: మహేష్‌ బాబు పి, నిర్మాతలు: నవీన్‌ యెర్నేని, వై. రవిశంకర్‌, సమర్పణ: గుల్షన్‌ కుమార్‌, భూషణ్‌ కుమార్‌ టీ సిరీస్‌ ఫిలిమ్స్‌, సిఇఓ: చెర్రీ, సంగీతం: వివేక్‌, మెర్విన్‌, సినిమాటోగ్రఫీ: సిద్ధార్థ నుని, ఎడిటర్‌: శ్రీకర్‌ ప్రసాద్‌, ప్రొడక్షన్‌ డిజైనర్‌: అవినాష్‌ కొల్లా, ఎగ్జిక్యూటివ్‌ ప్రొడ్యూసర్‌: హరి తుమ్మల.