కోడ్ అమలు ఎక్కడ..?

– గ్రామంలో బహిర్గతమైన పార్టీ జెండాలు

– అధికారుల నిర్లక్ష్యం పై ప్రజల్లో చర్చ

నవతెలంగాణ – ఉప్పునుంతల

ఉప్పునుంతల మండలం రాయిచెడు గ్రామంలోని బీటీ రోడ్డు పక్కనే మూడు ప్రధాన పార్టీల గుర్తులు బీజేపీ, కాంగ్రెస్, బీఆర్‌ఎస్ జెండాలు బహిరంగంగా దర్శనమిస్తున్నాయి. స్థానిక ఎన్నికల నియమావళి అమల్లో ఉన్నప్పటికీ కలెక్టర్ ఆదేశాలను పట్టించుకోకుండా అధికారులు నిర్లక్ష్యంగా వ్యవహరిస్తున్నట్టు ఈ దృశ్యం స్పష్టమవుతోంది.

ప్రతి సారి ఎన్నికల కోడ్ అమల్లోకి వచ్చినప్పుడల్లా ఇదే తీరుతో గ్రామస్థాయి, మండల స్థాయి అధికారులు ఇదే నిర్లక్ష్యం ప్రదర్శించడం విశేషమని ప్రజలు వ్యాఖ్యానిస్తున్నారు. “పార్టీ గుర్తులకు ముసుకు తొడుగుతారా లేదా?” అన్న సందేహం గ్రామంలో చర్చనీయాంశమైంది.