డిఫరెంట్‌ కాన్సెప్ట్‌తో..

వైరల్‌ షార్ట్‌ ఫిల్మ్‌గా పేరొందిన ‘ఆ గ్యాంగ్‌ రేపు’, దానికి స్వీకెల్‌గా రూపొందిన ‘ఆ గ్యాంగ్‌ రేపు-2’ షార్ట్‌ ఫిల్మ్‌ను తెరకెక్కించిన టీమ్‌ నుండి రాబోతున్న మరో క్రైమ్‌ థ్రిల్లర్‌ ‘ఆ గ్యాంగ్‌ రేపు-3’. త్వరలోనే ప్రముఖ ఓటీటీలో స్ట్రీమింగ్‌ కానుంది. ఈ నేపథ్యంలో ట్రైలర్‌ను చిత్ర యూనిట్‌ విడుదల చేసింది.
ఈ సందర్బంగా దర్శకుడు యోగేష్‌ కుమార్‌ మాట్లాడుతూ,’2015లో అనుకోకుండా నేను చేసిన చిన్న ప్రయత్నం వైరలై, మంచి గుర్తింపు తెచ్చింది. ‘గ్యాంగ్‌ రేపు 2′ కూడా హిట్‌ అయ్యింది. నా స్నేహితుడు ఈ సినిమాను ప్రొడ్యూస్‌ చేశారు. డిఫరెంట్‌ కాన్సెప్ట్‌తో చేసిన ఈ సినిమా బ్లాక్‌బస్టర్‌ అవుతుంది. అందర్ని అలరించే సన్నివేశాలు ఈ చిత్రంలో చాలా ఉంటాయి’ అని అన్నారు. నిర్మాత మాట్లాడుతూ ‘ట్రైలర్‌లోనే దర్శకుడి విజన్‌ అర్థమైపోతుంది. మంచి టీమ్‌తో చేసిన సినిమా ఇది. అందరూ హార్డ్‌ వర్క్‌తో చేసిన ఈ సినిమా తప్పకుండా విజయవంతం అవుతుంది’ అని నిర్మాత నోక్షియస్‌ నాగ్స్‌ అన్నారు.
నరేన్‌ అన్నసాగరం, ప్రీతి సుందర్‌, సందీప్‌ సాండిలియా, దయానంద్‌ రెడ్డి, మహిపాల్‌ తదితరులు నటిస్తున్న ఈ చిత్రానికి బ్యానర్‌: సహచర ప్రొడక్షన్స్‌, నిర్మాత: నోక్షియస్‌ నాగ్స్‌, దర్శకుడు: యోగేష్‌ కుమార్‌, డీఓపీ: నాని ఐనవల్లి, సంగీతం: కబీర్‌ రఫీ, ఎడిటర్‌: అనిల్‌ కుమార్‌ జల్లు.