నవతెలంగాణ-హైద‌రాబాద్‌: శ్రీ‌లంక‌లో దిత్వా తుఫాన్ పెను విధ్వంసం సృష్టిస్తున్న విష‌యం తెలిసిందే. తుఫాన్ కార‌ణంగా ఆదేశంలో భారీ వ‌ర్షాలు కురుస్తున్నాయి. దీంతో భారీ ఎత్తున్న వ‌ర‌ద‌లు సంభ‌విస్తున్నాయి. ఆక‌స్మీక వ‌ర‌ద‌ల‌తో జ‌న‌జీవ‌నం స్తంభించిపోయింది. రోడ్లు, రైలు మార్గాలు వ‌ర‌ద‌ల కార‌ణంగా దెబ్బ‌తిన్నాయి. దీంతో ప‌లు ప్రాంతాల‌కు ర‌వాణ మార్గాలు నిలిచిపోయాయి. ప‌లు చోట్ల భారీ మొత్తంలో వ‌ర్షాల ధాటికి ఇండ్లు కూలిపోయాయి. తీవ్ర‌మైన ఈదురుగాలుల‌తో స్థానికుల‌ను భ‌యాందోళ‌న‌కు గురిచేస్తున్నాయి. ఈక్ర‌మంలో భార‌త ప్ర‌భుత్వం అప్ర‌మ‌త్త‌మైంది. శ్రీ‌లంక‌లో భార‌త్ పౌరుల కోసం కొలంబో ఎయిర్‌పోర్టులో అత్య‌వ‌స‌రంగా హెల్ప్ లైన్ డెస్క్ ఏర్పాటు చేసింది.
శ్రీలంకలోని ఏదైనా విమానాశ్రయం లేదా ప్రదేశంలో ఇబ్బందులను ఎదుర్కొంటున్న భారతీయ పౌరులు అత్యవసర నంబర్ +94 773727832 ను సంప్రదించవచ్చు, దీనిని వాట్సాప్ ద్వారా కూడా యాక్సెస్ చేయవచ్చు. మిషన్ ఇప్పటికే BIAలో చిక్కుకున్న భారతీయ ప్రయాణీకులకు సహాయం చేస్తోందని, ఆహారం మరియు తాగునీరు వంటి అవసరమైన వస్తువులను అందిస్తోందని ఇండియ‌న్ హైక‌మిష‌న్ వెల్ల‌డించింది.
