కారును తగులబెట్టిన నిందితులను పట్టుకోవడంలో పోలీసుల జాప్యం

• దళిత వ్యక్తి ఆస్తికి రక్షణ లేదు
  – మానవ హక్కుల కమిషన్, ఎస్సీ ఎస్టీ, కమిషన్‌ను ఆశ్రయించిన బాధితుడు
  నవతెలంగాణ – ఆర్మూర్
• తన ఆస్తిని ధ్వంసం చేసిన నిందితులపై చర్యలు తీసుకోవడంలో పోలీసులు నిర్లక్ష్యం వహిస్తున్నారని ఆరోపిస్తూ మండలానికి చెందిన బాధితుడు మాజీ ఎంపిపి పస్క నర్సయ్య శనివారం హైదరాబాద్‌లోని రాష్ట్ర మానవ హక్కుల కమిషన్, ఎస్సీ, ఎస్టీ కమిషన్‌ను ఆశ్రయించారు. ఈ సందర్భంగా వారు మాట్లాడుతూ.. మండలంలోని మచ్చర్ల గ్రామంలో డిసెంబర్ 13, 2025 అర్ధరాత్రి సుమారు 12:30 గంటల సమయంలో, పార్కింగ్ చేసిన కారు (నెం. టీఎస్ 16 ఈ డబ్ల్యు. 2890) ను గుర్తు తెలియని వ్యక్తులు నిప్పు పెట్టి పూర్తిగా తగలబెట్టారని తెలిపారు. ఈ ఘటనపై వెంటనే ఆర్మూర్ పోలీస్ స్టేషన్‌లో ఫిర్యాదు చేసినప్పటికీ, ఎఫ్.ఐ.ఆర్ నమోదై ఇన్ని రోజులవుతున్నా నిందితులను గుర్తించడంలో పోలీసులు తీవ్ర జాప్యం చేస్తున్నారని ఆరోపించారు.

​ఒక దళిత వ్యక్తిగా తన ఆస్తికి రక్షణ కల్పించడంలో, నేరస్తులను పట్టుకోవడంలో స్థానిక యంత్రాంగం విఫలమైందని బాధితుడు ఆవేదన వ్యక్తం చేశారు. కారుకు ఇన్సూరెన్స్ లేకపోవడం వల్ల తీవ్ర ఆర్థిక ఇబ్బందుల్లో ఉన్నానని, ప్రభుత్వం నుండి రావలసిన నష్టపరిహారం అందేలా చూడాలని కోరారు. ఈ నేపథ్యంలో ఉన్నతాధికారులు జోక్యం చేసుకుని పోలీసు విచారణ వేగవంతం అయ్యేలా చూడాలని, నిందితులను కఠినంగా శిక్షించి తనకు న్యాయం చేయాలని ఈ సందర్భంగా కోరారు.

​