ఆమె మౌనమే ఒక తుఫాను

ఈ నేలపై ఆమె గొంతు వినే వారే లేరు/
ఆమె మాటల్నీ, చూపుల్నీ పట్టించు కోవడం లేదు/
తన చరిత్రను నిందిస్తున్నారు, హదయాన్ని గాయపరుస్తున్నారు/
ఆమెను వంటింట్లో కట్టేసి, సిగ్గులొలికిస్తూ నవ్వమంటారా?
తల దించుకోవాలా ఆమె?!/
ఆమె మూపున ప్రపంచాన్ని మోస్తోంది తెలుసా?/
కాని అన్ని వైపులనుండీ వేట్లు పడుతూనే ఉన్నాయి/
ఆమె డిమాండ్లను పట్టించుకోక/
హక్కుల్ని అణిచేసి, ఆమె కథలను కాల్చేసి,
భవిష్యత్తును నలిపేసి/
ఆ మౌనపు కళ్లకు ఏడుపునే మిగులుస్తారా?/
ఆ చట్టాలు, ఆ రహదారులు,
ఆమె భారీ స్వంత ఇల్లు కూడా, ఆమె శక్తికి భయపడే
మగవారే కదా నిర్మించింది?/
ఆమె ధైర్యం చేస్తే.. పేర్లు పెట్టారు/
ఆమెకు వెన్నులో చలి పుట్టింది/
ఆజ్ఞ లకు తలవంచడం, నటించడం,
లేని నవ్వు ముఖానికి పులుముకోవడం నేర్పుతున్నారు/
ఆమె ‘న’ కారాలను వక్రీకరిస్తున్నారు/
ఎప్పట్నించో ఆమెను అశక్తురాల్ని చేశారు/
కానీ ఆమె పైకి లేస్తూనే వుంది, అగ్ని గోళాలు కురిపిస్తూనే ఉంది/
ఆమె పడ్డ అవమానాలు,ఆమెకైన గాయాలు/
ఆ మౌనం, రానున్న తుఫానుకు హెచ్చరికేలే!
(13 ఏండ్ల దుత్తు(యూఎస్‌ఏ) రాసిన ఇంగ్లీష్‌ కవితకు తెలుగు అనువాదం)