హుస్నాబాద్ లో గౌడ సంఘం నాయకుల సమావేశం 

నవతెలంగాణ -హుస్నాబాద్ రూరల్ : హుస్నాబాద్ పట్టణ కేంద్రంలోని విశ్రాంతి ఉద్యోగుల భవనంలో సోమవారం గౌడ సంఘం నాయకులు సమావేశం నిర్వహించారు.బహుజన వర్గాలను బానిసలుగా పీడించే నైజాం పాలనకు వ్యతిరేకంగా పోరాడిన సర్దార్ సర్వాయి పాపన్న గౌడ్ జయంతి ఆగస్టు 18 న ఘనంగా నిర్వహించాలని నిర్ణయించారు. సైదాపూర్ మండలంలోని కొమ్ముగుట్టలో ఆగస్టు 17న మంత్రి పొన్నం ప్రభాకర్  విగ్రహావిష్కరణ చేసే కార్యక్రమానికి గౌడ కులస్తులు బహుజన వర్గాలను పెద్ద ఎత్తున తరలించాలని కోరారు. ఈ కార్యక్రమంలో రాష్ట్ర అధ్యక్షులు  మార్క అనిల్ గౌడ్ , బుర్ర పరశురాం గౌడ్,  కోహెడ కొమురయ్య , హుస్నాబాద్ గౌడ సంఘం నాయకులు పందిళ్ళ మాజీ సర్పంచ్ తోడేటి రమేష్ గౌడ్, కోశాధికారి గట్టు రాములు గౌడ్, గాంధీనగర్ మాజీ సర్పంచ్ బొంగోని శ్రీనివాస్ గౌడ్, పూదరి వరప్రసాద్ గౌడ్  తదితరులు పాల్గొన్నారు.