అల్లు అర్జున్‌కి వార్నింగ్ ఇచ్చిన డిఎస్పీ మృతి..

నవతెలంగాణ – హైదరాబాద్: కొమరంభీం ఆసిఫాబాద్ డీఎస్పీగా పనిచేస్తున్న విష్ణుమూర్తి హైదరాబాద్‌లోని తన నివాసంలో గుండెపోటుతో అకస్మాత్తుగా మృతి చెందారు. ఆయన భౌతికకాయానికి పలువురు ప్రముఖులు నివాళులు అర్పించారు. ప్రజల భద్రత కోసం నిత్యం కృషి చేసిన అధికారిగా ఆయన ప్రజా సేవ నిరంతరం గుర్తుండిపోతుందని సహచరులు కొనియాడారు. గతంలో.. పుష్ప 2 సినిమా రిలీజ్ సందర్భంగా సంధ్య థియేటర్‌లో జరిగిన తొక్కిసలాట ఘటనపై ఆయన తీవ్రంగా స్పందించారు. ఈ విషయంలో హీరో అల్లు అర్జున్‌కు హెచ్చరిక జారీ చేసి.. పోలీసుల విభాగంపై నిందలు వేయడం సరికాదని విమర్శించారు.