ఓ అందమైన ప్రేమకథ

రక్షిత్‌ అట్లూరి, కోమలి ప్రసాద్‌ జంటగా గౌరీ నాయుడు సమర్పణలో ఏజీ ఫిల్మ్‌ కంపెనీ, ఎస్‌వీఎస్‌ స్టూడియోస్‌ బ్యానర్ల మీద నిర్మించిన చిత్రం ‘శశివదనే’. అహితేజ బెల్లంకొండ, అభిలాష్‌ రెడ్డి గోదాల నిర్మాతలు. సాయి మోహన్‌ ఉబ్బన దర్శకత్వం వహించారు. ఫీల్‌ గుడ్‌ వింటేజ్‌ విలేజ్‌ లవ్‌ స్టోరీగా తెరకెక్కించిన ఈ చిత్రానికి సంబంధించిన రిలీజ్‌ డేట్‌ను మేకర్లు సోమవారం ప్రకటించారు.
ఈ చిత్రాన్ని దసరా సీజన్‌లో అక్టోబర్‌ 10న భారీ ఎత్తున విడుదల చేయబోతోన్నట్టుగా నిర్మాతలు తెలిపారు. ఈ మూవీకి శ్రీ సాయి కుమార్‌ దారా అందించిన విజువల్స్‌, శరవణ వాసుదేవన్‌ ఇచ్చిన సంగీతం ప్రధాన ఆకర్షణ కానున్నాయి. ఓ అందమైన ప్రేమ కథా చిత్రానికి విజువల్స్‌, మ్యూజిక్‌ ఎంత ప్రాముఖ్యం అన్నది ప్రత్యేకంగా చెప్పాల్సిన పని లేదు. ఈ మూవీని మేకర్స్‌ ఓ దశ్యకావ్యంగా మలిచారు. ఈ సినిమాకు అనుదీప్‌ దేవ్‌ అందించిన నేపథ్య సంగీతం మేజర్‌ అస్సెట్‌ కానుంది అని చిత్ర యూనిట్‌ తెలిపింది.
శ్రీమాన్‌, దీపక్‌ ప్రిన్స్‌, జబర్దస్త్‌ బాబీ తదితరులు నటించిన ఈ చిత్రానికి సంగీత దర్శకుడు : శరవణ వాసుదేవన్‌, నేపథ్య సంగీతం :అనుదీప్‌ దేవ్‌, కెమెరామెన్‌ :శ్రీ సాయి కుమార్‌ దారా, ఎడిటర్‌ : గ్యారీ బీహెచ్‌.