హోటల్‌లో విషవాయువు పీల్చి.. నలుగురు కార్మికులు మృతి

నవతెలంగాణ - హైదరాబాద్ : మధ్యప్రదేశ్‌లోని ఉజ్జయినిలో విషాద ఘటన చోటుచేసుకుంది. ఓ ప్రవేట్‌ హోటల్‌లో భూగర్భ ఆహార వ్యర్థాల గదిని శుభ్రం చేస్తుండగా విషవాయువు పీల్చి నలుగురు కార్మికులు మృతిచెందారు. శనివారం అర్ధరాత్రి శ్రీ గంగా హోటల్‌లో ఈ ప్రమాదం జరిగింది. ఓ కార్మికుడు లోపల పడిపోవడంతో అతడిని కాపాడేందుకు వెళ్లిన మరో ముగ్గురు కూడా అస్వస్థతకు గురయ్యారు. సహాయక చర్యల్లో పాల్గొన్న మరో ఇద్దరు సైతం వాయువు ప్రభావానికి గురయ్యారు. పోలీసులు, అధికారులు ఘటనా స్థలానికి చేరుకుని కార్మికులను బయటకు తీసి దర్యాప్తు చేపట్టారు.