మళ్లీ కెమెరా ముందుకు తమిళనాడు సీఎం విజయ్‌?

నవతెలంగాణ - హైదరాబాద్ : తమిళనాడు సీఎం విజయ్‌ మరోసారి కెమెరా ముందుకు రానున్నట్లు ప్రచారం జరుగుతోంది. ప్రభుత్వ ప్రకటన చిత్రంలో నటించేందుకు ఆయన సిద్ధమైనట్లు సమాచారం. ఈ చిత్రానికి ప్రముఖ దర్శకుడు గౌతమ్‌ వాసుదేవ్‌ మీనన్‌ దర్శకత్వం వహించనున్నట్లు తెలుస్తోంది. ఉప ఎన్నికలు పూర్తయిన తర్వాత షూటింగ్‌ ప్రారంభమయ్యే అవకాశం ఉందని ప్రచారం సాగుతోంది. రాజకీయాల కోసం సినిమాలకు దూరమైన విజయ్‌ను మళ్లీ తెరపై చూసేందుకు అభిమానులు ఆసక్తిగా ఎదురుచూస్తున్నారు.