గందరగోళంగా ఓటర్లు నివేదిక

– జనాభాకు ఓటర్లకు లేని పొంతన
– అయోమయానికి గురౌతున్న నాయకులు
నవతెలంగాణ – అశ్వారావుపేట
ఎన్నికల నివేదికల లెక్కల జిమ్మిక్కులు తో ప్రజానీకం అయోమయానికి గురవుతున్నారు.కొన్ని గ్రామ పంచాయితీల్లో అధికారిక లెక్కల ప్రకారం జనాభా కంటే ఓటర్లే ఎక్కువగా ఉండటంతో ఆయా గ్రామాల ప్రజలు గందరగోళానికి లోనవుతున్నారు.జనాభా కంటే ఓటర్లు అధికంగా ఉండటం ఎలా సాధ్యమని ప్రశ్నిస్తున్నారు.మండలంలోని 27 పంచాయితీలకు సర్పంచ్,వార్డు సభ్యులకు ఎన్నికలు జరగనున్న నేపధ్యంలో అధికారులు ప్రకటించిన ఎన్నికల నివేదికలో జనాభా – ఓటర్లు దామాషా ప్రకారం వివరాల్లోకి వెళితే అనేక అనుమానాలు తలెత్తే అవకాశం ఉంది.సుమారు రెండేళ్ళ తర్వాత కాంగ్రెస్ ప్రభుత్వం గ్రామ పంచాయిుంది.ఎన్నికలను నిర్వహిస్తుంది.ఇందులో భాగంగా ఎన్నికల సంఘం అధికారులను అప్రమత్తం చేసింది.ఇప్పటికే ఎన్నికల జరిగే గ్రామ పంచాయితీల లెక్కలు ప్రకటించింది. ఇందులో ముందుగా పంచాయితీల వారీ సామాజిక వర్గాల వారీగా జనాభా,ఓటర్ల వివరాలను వేరువేరుగా ప్రకటించింది.తీరా పరిశీలిస్తే కొన్ని గ్రామ పంచాయితీల్లో జనాభా కంటే ఓటర్లు అధికంగా ఉన్నారు. మండలంలో మొత్తం 27 గ్రామ పంచాయితీలు ఉన్నాయి. వీటిలో ఆసుపాక జనాభా 1018 మంది గా అధికారులు ప్రకటించారు. తర్వాత ఓట్లు ను 1728 మంది ఉన్నట్లు మరో ప్రకటన చేశారు. దీనితో పాటు నారంవారిగూడెం కాలనీలో జనాభా 531 మంది ఉండగా 791 మంది ఓటర్లు ఉన్నట్లు ప్రకటించారు. అలాగే మొద్దులమడ గ్రామ పంచాయితీలో  285 మంది జనాభా మాత్రమే ఉన్నట్లు చూపారు. కానీ ఓటర్లను 308 మంది గా ప్రకటించారు. ఒక గ్రామ పంచాయితీలో జనాభా కంటే ఓటర్లు తక్కువగా ఉండాలి.ఇక్కడ జనాభా కంటే ఓటర్లనే అధికారులు ఎక్కువగా చూపటం లో అంతర్యం అర్ధంకాక రాజకీయ పార్టీ నాయకులు తలలు పట్టుకుంటున్నారు.ఓటర్లు పెరిగే అవకాశం ఉంటుందని అధికారులు చెబుతున్నారు. 2011 లెక్కల ప్రకారం జనాభాతో పోల్చితే 2025 లెక్కల ప్రకారం ఓటర్లు ఎక్కువ ఉండొచ్చని ఎంపీడీవో అప్పారావు తెలిపారు. 2025 జనాభా పెరిగినప్పటికీ అధికారికంగా ప్రకటించే అవకాశం ఉండదని అన్నారు.