నామినేషన్ కేంద్రాలను సందర్శించిన డీసీపీ 

నవతెలంగాణ – ఆమనగల్ 
పంచాయతీ ఎన్నికలను పురస్కరించుకొని ఆదివారం మండలంలో ప్రారంభమైన నామినేషన్ల పర్వం ప్రారంభమైంది. సీఐ జానకి రామ్ రెడ్డి ఆధ్వర్యంలో ఎస్ఐ వెంకటేష్ నేతృత్వంలో పోలీసులు అన్ని నామినేషన్ కేంద్రాల వద్ద ప్రత్యేక భద్రత ఏర్పాట్లు చేశారు. మండల పరిషత్ కార్యాలయం ఆవరణలో ఉన్న ఎం ఆర్ సీ భవనంలో ఏర్పాటు చేసిన నామినేషన్ల దాఖలు కేంద్రాన్ని శంషాబాద్ డీసీపీ రాజేష్ షాద్ నగర్ ఏసీపీ లక్ష్మినారాయణ తో కలిసి సందర్శించారు. స్థానికంగా ఉన్న పరిస్థితులు, బందోబస్తు ఏర్పాట్లు, పోలింగ్ కు సంబందించిన ఏర్పాట్లపై ఆరా తీశారు. ఎన్నికలు సజావుగా ప్రశాంతంగా నిర్వహించడానికి పోలీసు శాఖ పరంగా అన్ని చర్యలు తీసుకుంటున్నట్లు ఆయన తెలిపారు. ప్రతి నామినేషన్ కేంద్రం వద్ద ప్రత్యేక బందోబస్తు కొనసాగుతుందన్నారు. అంతకు ముందు ఆయన స్థానిక పోలీస్ స్టేషన్ ను సందర్శించారు. ఆమనగల్ పోలీస్ సర్కిల్ పరిధిలో నామినేషన్ కేంద్రాల్లో  చేపట్టిన భద్రత చర్యలు, బందోబస్తు తదితర అంశాలను తెలుసుకొని పలు సలహాలు సూచనలు తెలిపారు.