రంగాపురం గ్రామం. అదో పల్లెటూరు. అన్నీ వ్యవసాయ ఆధారిత కుటుంబాలే. అక్కడ ఓ ప్రభుత్వ పాఠశాల. ఆ పాఠశాలలో ఎనిమిదో తరగతి విద్యార్థులకు శనివారం అంటే చాలా ఇష్టం. అందరిలా కాకుండా ఆ పాఠశాల సైన్స్ ఉపాధ్యాయుడు శ్రీకాంత్ సార్ విద్యార్థులతో ఓ గైడుగా, ఓ స్నేహితుడిగా ఉంటూ పాఠ్యపుస్తకంలోని పాఠ్యాంశాలనే కాకుండా నిత్యజీవితంలో వాటి అనువర్తనాలు, ఆధునిక సైన్స్లోని ఆవిష్కరణలు, గొప్ప గొప్ప శాస్త్రవేత్తల జీవితాల గురించి బోధిస్తుంటారు. ప్రత్యేకంగా ప్రతీ శనివారం ఒక గొప్ప మహానుభావుని జీవితం గురించి చెబుతూ విద్యార్థులకు స్ఫూర్తినిస్తుంటారు.
ప్రతి వారం లాగానే శనివారం రానే వచ్చింది. ఉదయం మూడో పీరియడ్ గురించి విద్యార్థులంతా ఆసక్తిగా ఎదురుచూస్తున్నారు. శ్రీకాంత్ సార్ రానే వచ్చారు. ఎప్పటి లాగానే ఆ తరగతి గదిలోంచి రవి అనే విద్యార్థి లేచి…. సార్ మీరు ఎప్పుడూ అంటుంటారు కదా గొప్ప గొప్ప కలలు కనాలని! మరి మాలాంటి పేద విద్యార్థులకు అవి నిజాలు అవుతాయా..! అంటూ ఆసక్తిగా అడిగాడు.
సార్ చిరునవ్వు చిందిస్తూ… వెంటనే.. ఖచ్చితంగా అవుతాయంటాడు. పెద్ద కలలు ఉంటాయి కానీ పేద కలలు ఉండవు. ఉన్నతమైన కలలు కని అవి నిజం చేసుకోవడానికి పేదరికం అడ్డు కాదు. అబ్దుల్ కలాం గురించి మీకు తెలుసు కదా! మిస్సైల్ మ్యాన్ ఆఫ్ ఇండియా.
విద్యార్థులు గట్టిగా తెలుసు సార్ అంటారు.
కలాం ఉదయం నాలుగు గంటలకు లేచి పేపర్ బారుగా పనిచేసి చదువుకున్నాడు. తను ఉపాధ్యాయుడి ప్రేరణతో ఆకాశంలో స్వేచ్ఛగా విహరించాలనీ, యుద్ధ విమాన పైలట్ కావాలని కలలుగన్నాడు. జీవితంలో ఎన్నో కష్టాలను అధిగమించి ఎదిగాడు. చివరికి మన దేశ రాష్ట్రపతి అయ్యాక చిన్నప్పటి తన కలను నిజం చేసుకున్నాడు. అందుకే వారు అంటుంటారు… పిల్లలు ఎప్పుడూ గొప్ప గొప్ప కలలు కనాలని…! ఆకాశంలో నక్షత్రాలు అందుకోవాలనీ..!
మై డియర్ స్టూడెంట్స్.. ఇప్పుడు మనమంతా రవిని అభినందించాలి. మంచి ప్రశ్న అడిగాడు. వెంటనే ఆ తరగతిలోని ఇంకో విద్యార్థి నవీన్ లేచి… సార్ మరి మీ కలలు నిజమయ్యాయా అని అడుగుతాడు.
అమ్మో నవీన్… ఈసారి బాల్ నాపైకే విసిరాడు అంటూ…. నా కలలు నిజం చేసుకోవడానికే నేను ఉపాధ్యాయుడిని అయ్యాను అంటాడు శ్రీకాంత్ సార్. మీరంతా గాంధీజీ, అంబేద్కర్, కలాం, రామానుజన్, రామన్ వంటి మహానుభావులుగా ఎదిగి, దేశం గర్వపడేలా జీవిస్తే అప్పుడు నా కలలు నిజమవుతాయి..! మరి ఏమంటారు మీరంతా అని సార్ పిల్లలను అడుగుతారు.. కొంచెం గద్గద స్వరంతో..!
పిల్లలు గట్టిగా చప్పట్లు కొడుతూ, మీ కలలను నిజం చేయడానికి మంచి విద్యార్థులుగా మేం మారుతాం సార్ అంటారు.
ఇక అందరూ సైన్స్ ల్యాబ్ లోకి వెళ్లి అబ్దుల్ కలాం గారి చిత్రపటానికి పూలమాలతో నివాళులర్పిస్తారు.
ఫిజిక్స్ అరుణ్ కుమార్, 9394749536
పెద్ద పెద్ద కలలు కనాలి…!
- Advertisement -
- Advertisement -
RELATED ARTICLES



