ఆదిలాబాద్ జిమ్ లో డ్రగ్స్ స్టెరాయిడ్స్ కలకలం..

20 ఎంఎల్ డ్రగ్, 36 స్టెరాయిడ్స్ టాబ్లెట్స్, మూడు డ్రగ్ ఇంజక్షన్లు స్వాధీనం
లయన్ ఫిట్నెస్ జిమ్ సీజ్
మున్సిపాలిటీ ట్రేడ్ లైసెన్స్ రద్దు 
నవతెలంగాణ – ఆదిలాబాద్ టౌన్
పట్టణంలోని నడిబొడ్డున వినాయక చౌక్ లో ఉన్న లయన్ జిమ్ లో డ్రగ్స్, స్టెరాయిడ్స్ లభ్యం కలకలం రేపింది. జిమ్ నిర్వాహకుడు నిందితుడు షేక్ ఆదిల్ చట్ట వ్యతిరేకంగా డ్రగ్సును తీసుకుంటూ, స్టెరాయిడ్స్ ను జిమ్కు వచ్చే వారికి అందజేస్తున్నానే అభియోగంతో గురువారం 1 టౌన్ పోలీస్ స్టేషన్ లో కేసు నమోదు చేశారు. విశ్వసనీయ సమాచారం మేరకు శుక్రవారం పోలీసులు దాడి చేశారు. సంఘటన స్థలంలో 20 ఎంఎల్ ఏఎంపి ఇంజక్షన్ బాటిల్, మూడు ఇంజక్షన్లు, 36 స్టెరాయిడ్స్ టాబ్లెట్లను స్వాధీనం చేసుకోవడం జరిగిందని డీఎస్పీ జీవన్ రెడ్డి తెలిపారు. సర్జరీకి వాడే డ్రగ్ 3 ఇంజెక్షన్లు లభ్యం, స్టెరాయిడ్ టాబ్లెట్లను జిమ్ కు వచ్చే వారికి అందజేసి వారి అనారోగ్యాల బారిన పడే విధంగా చట్ట వ్యతిరేక కార్యకలాపాలకు పాల్పడుతున్నందుకు అతనిపై ఆదిలాబాద్ ఒకటో ఒకటైన పోలీస్ స్టేషన్లో 334/25 అండర్ సెక్షన్ 125బీఎన్ఎస్ 27 (B)(ii) డిసిఏ యాక్ట్ తో కేసు నమోదు చేయడం జరిగిందని తెలిపారు.

చట్ట వ్యతిరేకంగా వ్యాపారస్తులు అసాంఘిక కార్యకలాపాలకు పాల్పడుతున్న ఎడల వారి ట్రేడ్ లైసెన్స్ ను రద్దు చేయడం జరుగుతుందని తెలిపారు. ఈ సంఘటనలో ఆర్డిఓ జిమ్ సీజ్ చేయడం కోసం సిఫార్సు చేయగా ఆర్డీవో అనుమతితో రెవెన్యూ మున్సిపాలిటీ పోలీస్ అధికారుల సమక్షంలో లయన్ జిమ్మును సీజ్ చేయడం జరిగిందని తెలిపారు. ప్రజలు అప్రమత్తంగా ఉండాలని జిమ్ నిర్వాహకులు ఇచ్చే ఎలాంటి టాబ్లెట్లను ఇంజక్షన్లను వాడకుండా పూర్తి అవగాహనతో ఉండాలని సూచించారు. వ్యాపారాలలో అసాంఘిక కార్యకలాపాలు చేసే వారిపై క్రిమినల్ కేసులను నమోదు చేస్తామని హెచ్చరించారు. ఈ కార్యక్రమంలో తాసిల్దార్ శ్రీనివాసరావు, మున్సిపల్  అధికారులు, వన్ టౌన్ ఇన్స్పెక్టర్ బి సునీల్ కుమార్ సిబ్బంది పాల్గొన్నారు.