సీజన్‌ 1 కంటే అద్భుతంగా..

వర్ష బొల్లమ్మ ప్రధాన పాత్రలో నటించిన సిరీస్‌ ‘కానిస్టేబుల్‌ కనకం’. ప్రశాంత్‌ కుమార్‌ దిమ్మల దర్శకత్వం వహించారు. మేఘ లేఖ, రాజీవ్‌ కనకాల, శ్రీనివాస్‌ అవసరాల కీలక పాత్రలు పోషించారు.
కోవెలమూడి సత్య సాయిబాబా, వేమూరి హేమంత్‌ కుమార్‌ నిర్మించారు. ఈ సిరీస్‌కి కొనసాగింపుగా ‘కానిస్టేబుల్‌ కనకం 2′ నేటి (గురువారం) నుంచి ఈటీవీ విన్‌లో రాబోతుంది. ఈ సందర్భంగా మేకర్స్‌ నిర్వహించిన ప్రీరిలీజ్‌ ఈవెంట్‌లో వర్ష బొల్లమ్మ మాట్లాడుతూ,”కానిస్టేబుల్‌ కనకం’ నాకు చాలా ప్రత్యేకం. ఇంత అద్భుతమైన ఎమోషన్‌ ఉన్న స్టోరీకి నన్ను ఎంపిక చేసినందుకు డైరెక్టర్‌ ప్రశాంత్‌కి థ్యాంక్యూ. సీజన్‌ 3 కూడా చేయాలని కోరుకుంటున్నాను. సాయిబాబా, హేమంత్‌ లాంటి ప్రొడ్యూసర్స్‌ ఇండిస్టీలో ఉంటే చాలా అద్భుతంగా ఉంటుంది. వాళ్లు మరింత అద్భుతమైన కంటెంట్‌ చేయాలని కోరుకుంటు న్నాను.

ఈటీవీలో భాగం కావడం చాలా గర్వంగా ఉంది. మేఘలేఖ నటన ఈ సీజన్లో అదిరిపోతుంది. సురేష్‌ మ్యూజిక్‌ అద్భుతంగా ఉంటుంది. సీజన్‌ 2 అద్భుతంగా ఉంటుంది. చాలా ఎంజాయ్‌ చేస్తారు’ అని తెలిపారు. ‘చిరంజీవి ట్రైలర్‌ లాంచ్‌ చేయడంతో కనకం ప్రయాణం మొదలైంది. సీజన్‌ 2 ఆయన సినిమా థియేటర్‌కి రావడంతో పాటు ముగుస్తుంది. క్రికెట్‌లో ఒక ఓవర్‌లో ఆరు బంతులు ఉంటాయి. ‘అనగనగా, ఎయిర్‌, కానిస్టేబుల్‌ కనకం, లిటిల్‌ హార్ట్స్‌, రాజు వెడ్స్‌ రాంబాయ్‌.. ఇలా ఐదు బౌండరీలు అయ్యాయి. ఇప్పుడు కానిస్టేబుల్‌ కనకం సీజన్‌ 2 కూడా బౌండరీ కాబోతోంది. నిర్మాత సాయిబాబా చాలా ప్యాషన్‌ తో పని చేశారు. ఆయన లేకపోతే ఇది సాధ్యమయ్యేది కాదు. సురేష్‌ బొబ్బిలి చాలా వైవిధ్యమైన మ్యూజిక్‌ అందిస్తున్నారు. ఈ సిరిస్‌కి ఇచ్చిన బ్యాక్‌గ్రౌండ్‌ స్కోర్‌ ప్రత్యేక ఆకర్షణగా ఉంటుంది. సీజన్‌ 1 కంటే మించి అద్భుతంగా ఉండే సిరీస్‌ ఇది’ అని ఈటీవీ కంటెంట్‌ హెడ్‌ నితిన్‌ చక్రవర్తి చెప్పారు.