గుండె ఆరోగ్యానికి….

మన ఆరోగ్యానికి మనం చేయగలిగిన మంచి వ్యాయామాల్లో ఒకటి గుండెను బలోపేతం చేయడం. వ్యాయామం చేయకపోతే గుండె జబ్బులు వచ్చే అవకాశం రెండింతలు ఎక్కువని ఆరోగ్య నిపుణులు చెబుతున్నారు.
ఇప్పటికే గుండె జబ్బులు ఉంటే, గుండె ఆరోగ్యం గురించి ఆందోళన చెందుతుంటే.. మీరు క్రమం తప్పకుండా వ్యాయామం చేయాలి. గుండె ఆరోగ్యంగా ఉండాలంటే వారానికి కనీసం 150 నిమిషాలు మితమైన వ్యాయామం చేయాలని నిపుణులు చెబుతున్నారు. మీ హదయాన్ని బలోపేతం చేయడానికి ఉత్తమ వ్యాయామాలు ఏమిటో తెలుసుకోండి.
రోజూ నడవాలి
చాలా సులభమైన వ్యాయామంలా అనిపించవచ్చు. కానీ నడక, ముఖ్యంగా చురుకైన నడక గుండెను బలంగా చేస్తుంది. చురుకైన నడక గుండె హదయ స్పందన రేటును పెంచుతుంది. ఇతర రకాల వ్యాయామాల కంటే సులభంగా ఉంటుంది. మీరు ఎప్పుడైనా నడవవచ్చు. మీకు కావలసిందల్లా మంచి సౌకర్యవంతమైన బూట్లు. రోజూ కనీసం ఒక గంట పాటు నడవండి.
బరువు…
కండరాల బలాన్ని పెంపొందించడానికి, కొవ్వు పెరగకుండా ఉండాలంటే బరువును అదుపులో ఉంచుకోవాలి. ఇందుకు జిమ్‌కి వెళ్లవచ్చు. అయితే మీరు ఇంట్లో మీ స్వంత వ్యాయామాలను కూడా చేయవచ్చు. పుష్‌-అప్‌లు, స్క్వాట్‌లు, పుల్‌-అప్‌లు కండరాలను బలోపేతం చేయడానికి, ఎముక, గుండె ఆరోగ్యానికి దోహదం చేస్తాయి.
స్విమ్మింగ్‌
స్విమ్మింగ్‌ అనేది కేవలం రిఫ్రెష్‌ వ్యాయామం మాత్రమే కాదు. స్విమ్మింగ్‌ పూర్తి శరీర వ్యాయామం. ఇది శరీరాన్ని మాత్రమే కాదు.. గుండెనూ బలపరుస్తుంది. ఇతర రకాల వ్యాయామాల మాదిరిగా కాకుండా ఈత మీ శరీరాన్ని బలోపేతం చేయడానికి ఉపయోగపడుతుంది.
సైక్లింగ్‌
సైక్లింగ్‌ మీరు ఊహించిన దాని కంటే ఎక్కువ ప్రయోజనాలను అందిస్తుంది. సైక్లింగ్‌ గుండె జబ్బుల ప్రమాదాన్ని తగ్గిస్తుంది. ఇది మీ హదయ స్పందన రేటును పెంచడంలో సహాయపడుతుంది. సైక్లింగ్‌ మీ మానసిక ఆరోగ్యాన్ని మెరుగుపరుస్తుంది.
స్కిప్పింగ్‌ తప్పనిసరి
స్కిప్పింగ్‌ అనేది సులభమైన, మంచి వ్యాయామం. ఇది మీ హదయ స్పందన నిమిషానికి 150-180 బీట్స్‌లో ఉంచుతుంది. ఇది రక్తం ఎక్కువ ఒత్తిడితో ప్రవహించేలా చేస్తుంది. శరీరాన్ని పూర్తిగా శుభ్రపరుస్తుంది. మీ శరీరం అంతటా ఆక్సిజన్‌, పోషకాల బదిలీ సామర్థ్యాన్ని పెంచుతుంది. ఈ వ్యాయామం కోసం, మీకు పెద్ద స్థలం అవసరం లేదు. ఎప్పుడైనా చేయవచ్చు. రోజుకు 15 నిమిషాలు సరిపోతుంది.