నూతన భవనాల నిర్మాణాలకు నిధులు విడుదల

నవతెలంగాణ – హుస్నాబాద్ రూరల్ 
హుస్నాబాద్ శాతవాహన యూనివర్సిటీ ఇంజనీరింగ్ కాలేజీ నూతన భవనాల నిర్మాణాలు, క్యాంపస్  అభివృద్ధి కొరకు రూ.35 కోట్ల రూపాయలు విడుదల చేస్తూ శనివారం ప్రభుత్వం ఉత్తర్వులు జారీ చేసింది. ఇంజనీరింగ్ ప్రథమ సంవత్సరం తరగతులు ఈ ఏడాది నుండి శాతవాహన యూనివర్సిటీ ఇంజనీరింగ్ కాలేజీ ప్రారంభం కాగా  విద్యార్థులకు తాత్కాలికంగా మౌలిక సదుపాయాలను హుస్నాబాద్ లో మంత్రి పొన్నం ప్రభాకర్ ఏర్పాటు చేశారు. మంత్రి పొన్నం ప్రభాకర్ చొరవ తో తాజాగా రూ 35 కోట్లు విడుదల చేస్తూ ప్రభుత్వం ఉత్తర్వులు జారీ చేయడంతో విద్యార్థులు స్థానిక ప్రజాప్రతినిధులు హర్షం వ్యక్తం చేస్తున్నారు.