ఆయిల్ ఫామ్ సాగుతో రైతుకు అధిక లాభాలు

గజ్వేల్ సహాయ సంచాలకులు బాబు నాయక్.
నవతెలంగాణ – రాయపోల్
రైతులు ప్రత్యామ్నాయ పంటల సాగుపై దృష్టి సారించాలని ఆయిల్ పామ్ పంటతో అధిక దిగుబడుల సాధించవచ్చని గజ్వేల్ వ్యవసాయ సహాయ సంచాలకులు బాబు నా యుయక్ అన్నారు. మంగళవారం రాయపోల్ మండలం మంతూర్ గ్రామంలో ఆయిల్ పామ్ పంట పై అవగాహన కల్పించారు.ఈ సందర్భంగా వారు మాట్లాడుతూ ఆయిల్ పామ్ పంట సాగుపై ఉన్న సబ్సిడీలపై రైతులకు తెలపటం జరిగింది. కొత్తగా ఆయిల్ పామ్ సాగు చేసే రైతులకు 90 శాతం సబ్సిడీ ఇవ్వడం జరుగుతుంది. ఎస్సీ, ఎస్టీ రైతులకు 100 శాతం సబ్సిడీ డ్రిప్, మొక్కలకి ఇవ్వడం జరుగుతుంది. రైతులందరూ ఆయిల్ పామ్ సాగు చేసి అధిక దిగుబడులు పొందవచ్చు.పామాయిల్ చెట్లు  నాటిన 14 నెలలకు పూత ప్రారంభమవుతుంది.

మొక్క 30 నేలలు వయసు వచ్చేవరకు లేత దశలో మగ ఆడ పుష్పాలన తప్పనిసరిగా తొలగించాలి. తద్వారా చెట్టు యొక్క మాను (మొదలు భాగం) బాగా ఊరుతుంది.తద్వారా 36 నెలల వయసులో గెలల బరువు బాగా వస్తుంది.ఎకరానికి నికరంగా ప్రతి సంవత్సరం 10 టన్నుల పామాయిల్ దిగుబడిని పొందవచ్చు. ఐదు సంవత్సరాల తర్వాత ఆయిల్ పాములో కోకో పంట కూడా వేసుకోవచ్చు. దీనివలన అధిక లాభాలు నికరంగా ఎకరానికి లక్ష వరకు ఆదాయం పొందవచ్చు.తెలంగాణ ఆయిల్ ఫెడ్ ఆధ్వర్యంలోనే మార్కెటింగ్ సదుపాయం కల్పిస్థాం. గేలలు ఫ్యాక్టరీకి సరఫరా చేసిన మూడు రోజుల్లో నగదు రైతు ఖాతాల్లో జమవుతుంది.

నంగునూరు లో మండలంలో ఫ్యాక్టరీ అందుబాటులో ఉంది. సిద్దిపేట జిల్లాలో ఇప్పటి వరకు 11 వేలా ఎకరాల్లో ఆయిల్ పామ్ సాగులో ఉంది.ఆయిల్ పామ్ తోటలో మూడు సంవత్సరాల వరకు అంతర పంటలు వేసుకోవచ్చు. మొక్కజొన్న, వేరుసెనగ, పప్పు, ధనియాల వంటి అనేక పంటలు సాగు చేసి అధిక దిగుబడులు పొందవచ్చని రైతులకు వివరించడం జరిగింది. అనంతరం రైతు నాచగిరి మాట్లాడుతూ తన 3.20 ఎకరాల తోటలో కేవలం 6 నెలలోలోనే సుమారుగా రూ .1,85,000 లాభం పొందడం జరిగిందని, తన అనువలభవన్ని ,ఆయిల్ పామ్ సాగులో గల మెళకువలు, లాభాలు నికర ఆదాయం , మల్చింగ్ విధానం , నీటి సరఫరా విధాన మరియు సస్యరక్షణ చర్యలు గూర్చి పూర్తిగా వివరించడం జరిగిందన్నారు.ఈ కార్యక్రమంలో మండల వ్యవసాయ అధికారి ఆర్. నరేష్, ప్లాంట్ మానిటరింగ్ ఆఫీసర్ రాములు, ఏఈవో ప్రవీణ్ ,ఫీల్డ్ అసిస్టెంట్ రాకేష్, రైతులు తదితరులు పాల్గొన్నారు.