కీలక రేసింగ్‌ సన్నివేశాల్లో..

హీరో శర్వానంద్‌ స్కిల్డ్‌ మోటార్‌ సైకిల్‌ రేసర్‌గా తన కొత్త సినిమాలో కనిపించబోతున్నారు. అభిలాష్‌ కంకర దర్శకత్వంలో యువీ క్రియేషన్స్‌ ఈ చిత్రాన్ని నిర్మిస్తోంది. ప్రస్తుతం ఈ సినిమా షూటింగ్‌ హైదరాబాద్‌లో జరుగుతోంది. శర్వా, టీమ్‌పై రేస్‌కు సంబంధించిన కీలక సన్నివేశాలను చిత్రీకరిస్తున్నారు. ఈ సన్నివేశాలు సినిమాలో హైలైట్‌గా ఉండబోతున్నాయి. శుక్రవారం మేకర్స్‌ శర్వానంద్‌ పర్సనల్‌ స్టిల్స్‌ని విడుదల చేశారు. స్టైలీష్‌ మేకోవర్‌లో శర్వా లుక్స్‌ అదిరిపోయాయి. శర్వా ఫ్యాషన్‌ ట్రెండీ క్లాసీ లుక్‌లో ఆకట్టుకున్నారు. యూనిక్‌ క్యారెక్టర్స్‌తో ఆకట్టుకునే శర్వా ఈ చిత్రంలో ఓ ఛాలెంజింగ్‌ క్యారెక్టర్‌ చేస్తున్నారు. ఈ చిత్రంలో మాళవిక నాయర్‌ కథానాయికగా నటించగా, బ్రహ్మాజీ, అతుల్‌ కులకర్ణి కీలక పాత్రలు పోషించారు. వంశీ, ప్రమోద్‌ నిర్మిస్తున్న ఈ హై-ఎనర్జీ మూవీ మోటోక్రాస్‌ రేసింగ్‌ బ్యాక్‌ డ్రాప్‌లో ఉండబోతోంది అని చిత్ర యూనిట్‌ తెలిపింది.