పేదింటి ఆడబిడ్డల కోసమే కల్యాణ లక్ష్మి : ఎమ్మెల్యే తోట

నవతెలంగాణ – మద్నూర్ 
డోంగ్లీ మండల కేంద్రంలోని తాసిల్దార్ కార్యాలయంలో మండలానికి సంబంధించిన లబ్దిదారులకు కళ్యాణ లక్ష్మి, షాదీ ముబారక్ చెక్కులను జుక్కల్ ఎమ్మెల్యే తోట లక్ష్మీ కాంతారావు లబ్ధిదారులకు అందజేశారు. ఆడపిల్లల పెళ్లిలకు మేమున్నామని భరోసా ఇస్తూ ప్రభుత్వం పేదింటి ఆడబిడ్డల కుటుంబాల్లో వెలుగులు నింపేందుకు కల్యాణలక్ష్మి, షాదీముబారక్ పథకాలను ప్రభుత్వం అమలు చేస్తోందని తెలిపారు. ప్రజా ప్రభుత్వం మహిళలకు అన్ని రంగాల్లో అత్యంత ప్రాధాన్యత ఇస్తున్నదని అన్నారు. దేశంలో ఎక్కడా లేని విధంగా సన్న బియ్యం పథకాన్ని అమలు చేయడం వల్ల పేదలు మూడు పూటలా కడుపు నిండా అన్నం తింటున్నారని ఎమ్మెల్యే  సంతోషం వ్యక్తం చేశారు. ప్రతీ పేదింటిలో సంక్షేమ కాంతులు నింపాలన్నదే ప్రజా ప్రభుత్వ ధ్యేయమని చెప్పారు.