స్థానిక సంస్థల ఎన్నికల్లో సీపీఐ(ఎం) అభ్యర్థులను గెలిపించండి

సీపీఐ(ఎం) మండల కార్యదర్శి బుర్ర శ్రీనివాస్
నవతెలంగాణ – తుంగతుర్తి
బీజేపీతో పొత్తు పెట్టుకున్న, తొత్తు పార్టీలను ఓడించి, సీపీఐ(ఎం) అభ్యర్థులను గెలిపించాలని సీపీఐ(ఎం) మండల కార్యదర్శి బుర్ర శ్రీనివాస్ కోరారు. శనివారం మండల పరిధిలోని వెంపటి గ్రామం నుండి సీపీఐ(ఎం) సర్పంచ్ అభ్యర్థిగా జాజుగల్ల ముత్తయ్య నామినేషన్ కార్యక్రమంలో పాల్గొని మాట్లాడారు. రాజ్యాంగాన్ని మార్చడమే లక్ష్యంగా బిజెపి ముందుకు వెళుతుందని, బిజెపి ప్రమాదాన్ని తక్కువగా అంచనా వేయకూడదని అన్నారు. ఇప్పటికే ప్రభుత్వ రంగ సంస్థలన్నీ నాశనం చేసిందని మండిపడ్డారు. లక్షలాదిమంది ఉద్యోగాల నుండి తొలగించబడ్డారని అన్నారు. అంబానీ ఆదానీలకు అడవులను అప్పగించేందుకు కుట్ర చేస్తుందని విమర్శించారు. గ్రామాల అభివృద్ధి,ప్రజా సమస్యల పరిష్కారం కమ్యూనిస్టులతోనే సాధ్యమని అన్నారు. ఈ కార్యక్రమంలో ఎనగందుల విష్ణుమూర్తి,గోవిందా చారి,మడిపెద్ది యాదగిరి, జాజుగల నాగయ్య తదితరులు పాల్గొన్నారు.