నవతెలంగాణ – రెంజల్
మండలంలోని 17 గ్రామ పంచాయతీల పరిధిలో శనివారం సాయంత్రం వరకు నామినేషన్లలను వేశారు. మొదటి రోజున సర్పంచ్ కు 12 మంది, వార్డు సభ్యులకు పదిమంది నామినేషన్లు వేయగా, రెండవ రోజు 17 మంది సర్పంచులకు, 12 మంది వార్డు సభ్యులకు నామినేషన్లు వేయగా, చివరి రోజున 100 మంది సర్పంచ్ కు, 338 మంది వార్డు సభ్యులకు తమ నామినేషన్లను వేశారు. ఇప్పటివరకు 129 మంది సర్పంచ్ పదవులకు, 360 మంది వార్డు సభ్యులకు తమ నామినేషన్లను వినియోగించుకున్నారు. రెంజల్ గ్రామపంచాయతీ లో సర్పంచ్ అభ్యర్థిగా ఆసాని మంజుల, సాటాపూర్ గ్రామపంచాయతీ లో లచేవారు సుహాసిని నామినేషన్లను వేశారు.
మండలంలో 25 వార్డులకు ఏకగ్రీవం..
రెంజల్ మండలంలో 17 గ్రామ పంచాయతీల పరిధిలో 25 వార్డులకు ఒకే ఒక నామినేషన్ రావడంతో ఏకగ్రీవంగా ప్రకటించడం జరిగింది. మండల కేంద్రమైన రెంజల్ గ్రామంలో మూడు నాలుగు 3,4,5,12, నీల లో 1 వార్డు, కూనెపల్లి గ్రామపంచాయతీలో 3,4,5,6,7, వీరన్న గుట్ట 7, వీరన్న గుట్ట తండాలో 6, కిసాన్ తండాలో 4,6, సాటాపూర్ లో 7, దండిగుట్ట లో 2,4,6,8, ఎస్ ఎల్ ఎస్ పి పేపర్ మిల్ లో 2,7,8,10, బూర్గం గ్రామంలో 1, 10, వార్డులలో ఏకగ్రీవంగా ఎంపికైనట్లు ఎన్నికల అధికారులు కట్ట ఆంజనేయులు, వారణాసి కమలాకర్ సూచించారు.
