ఎన్టీఆర్‌ కథానాయకుడిగా ‘కేజీఎఫ్‌, సలార్‌’ వంటి బ్లాక్‌బస్టర్‌ చిత్రాలను తెరకెక్కించిన దర్శకుడు ప్రశాంత్‌ నీల్‌ ఓ సినిమా చేస్తున్న సంగతి తెలిసిందే. ‘ఎన్టీఆర్‌- నీల్‌’ అనే వర్కింగ్‌ టైటిల్‌తో ఈ సినిమా ప్రారంభమైంది. క్రేజీ కాంబోలో తెరకెక్కుతున్న ఈ మూవీపై అంచనాలు పెరుగుతూ వస్తున్నాయి. అభిమానులు, ప్రేక్షకులు ఈ సినిమాను ఎప్పుడెప్పుడు చూద్దామా అని ఎంతో ఆతతగా ఎదురు చూస్తున్నారు. ఈ నేపథ్యంలో మేకర్స్‌ ఎన్టీఆర్‌ టైటిల్‌ పాత్రలో ప్రశాంత్‌ నీల్‌ దర్శకత్వంలో రూపొందుతున్న భారీ పాన్‌ ఇండియా యాక్షన్‌ చిత్రాన్ని వరల్డ్‌ వైడ్‌గా వచ్చే ఏడాది జూన్‌ 25న విడుదల చేస్తున్నట్లు ప్రకటించారు. తెలుగు, తమిళ, హిందీ, కన్నడ, మలయాళ భాషల్లో ప్రపంచ వ్యాప్తంగా ఈ సినిమా ప్రేక్షకుల ముందుకు రానుంది.
ఈ చిత్రంలో ఎన్టీఆర్‌ని పవర్‌ఫుల్‌ పాత్రలో ప్రశాంత్‌నీల్‌ ఎలా ప్రెజంట్‌ చేస్తాడో చూడాలని అందరూ ఎంతో ఈగర్‌గా వెయిట్‌ చేస్తున్నారు. గూజ్‌బంప్స్‌ తెప్పించే యాక్షన్‌ సన్నివేశాలు, గ్రిప్పింగ్‌ స్టోరీతో రానున్న ఈ సినిమాపై ఫ్యాన్స్‌, ఆడియెన్స్‌లో విపరీతమైన అంచనాలు నెలకొన్నాయి. బ్లాక్‌ బస్టర్‌ చిత్రాలను తెరకెక్కించటంలో ప్రశాంత్‌ నీల్‌కు ఓ ప్రత్యేకమైన శైలి ఉంది. తనదైన స్టైల్లో ఎన్టీఆర్‌ను ఇప్పటి వరకు ఎవరూ వెండితెరపై చూపించని విధంగా, సరికొత్త మాస్‌ అవతార్‌లో నీల్‌ ఆవిష్కరించనున్నారు. ఓ సరికొత్త సినిమాటిక్‌ ఎక్స్‌పీరియెన్స్‌ను అందించేలా అన్‌కాంప్రమైజ్డ్‌గా ఈ చిత్రాన్ని మైత్రీ మూవీ మేకర్స్‌, ఎన్టీఆర్‌ ఆర్ట్స్‌ పతాకాలపై కళ్యాణ్‌ రామ్‌ నందమూరి, నవీన్‌ యెర్నేని, రవిశంకర్‌ యలమంచిలి, హరి కష్ణ కొసరాజు నిర్మిస్తున్నారు. ఈ చిత్రానికి సినిమాటోగ్రఫీ : భువన్‌ గౌడ, మ్యూజిక్‌ : రవి బస్రూర్‌, ప్రొడక్షన్‌ డిజైనర్‌ : చలపతి.
ఎన్టీఆర్‌-నీల్‌ సినిమా రిలీజ్‌ డేట్‌ ఫిక్స్‌
- Advertisement -
Previous article![]( "పూరి సినిమాలోకీలక పాత్ర")
Next article![]( "పచ్చి మామిడితో బోలెడు లాభాలు?")
RELATED ARTICLES
