ప్రభాస్‌ ఫ్యాన్స్‌కి సర్‌ప్రైజ్‌

అగ్రకథానాయకుడు ప్రభాస్‌, దర్శకుడు హను రాఘవపూడి కాంబోలో ఓ పాన్‌ ఇండియా సినిమా రూపొందుతోంది. మైత్రి మూవీ మేకర్స్‌ నిర్మిస్తున్నారు. టి సిరీస్‌ గుల్షన్‌ కుమార్‌, భూషణ్‌ కుమార్‌ సమర్పిస్తున్నారు. నేడు (గురువారం) ప్రభాస్‌ పుట్టినరోజు సందర్భంగా మేకర్స్‌ అభిమానుల కోసం ఒక ప్రత్యేక సర్‌ప్రైజ్‌ని సిద్ధం చేశారు. టైటిల్‌ పోస్టర్‌ను రివీల్‌ చేయనున్నారు. ప్రీ-లుక్‌ పోస్టర్‌ను బుధవారం విడుదల చేశారు. ఈ ప్రీ-లుక్‌ పోస్టర్‌ ఒక మిస్టీరియస్‌, ఇన్‌టెన్స్‌ వాతావరణాన్ని ప్రజెంట్‌ చేస్తోంది. బ్రిటిష్‌ పాలనా కాలంలో నడిచే ఒక ఎపిక్‌ హిస్టారికల్‌ డ్రామాకు టోన్‌ సెట్‌ చేస్తోంది. పోస్టర్‌లో ప్రభాస్‌ లాంగ్‌ కోట్‌, బూట్స్‌ వేసుకుని, ఒక కాలు మరో కాలిపై వేసుకుని నిలబడి ఉన్నట్లు కనిపించారు.

వెనుక గోడపై కనిపించే సైనికుల సిల్హౌట్స్‌ యుద్ధం, తిరుగుబాటు వాతావరణాన్ని చూపిస్తున్నాయి. ‘ఏ బాటలోన్‌ హూ వాక్స్‌ ఎలోన్‌, మోస్ట్‌ వాంటెడ్‌ సిన్స్‌ 1932’ పోస్టర్‌పై ఉన్న ఈ వాక్యాలు ప్రభాస్‌ పవర్‌ ఫుల్‌ పాత్రని సూచిస్తున్నాయి. బ్యాక్‌డ్రాప్‌లో యూనియన్‌ జాక్‌ జెండా బ్రిటిష్‌ పాలనా కాలాన్ని గుర్తు చేస్తుంది. పోస్టర్‌లో ఉన్న భగవద్గీత శ్లోకాలు ఈ కథకు ఫిలాషఫికల్‌ డెప్త్‌ని యాడ్‌ చేస్తున్నాయి. ప్రభాస్‌ సరసన హీరోయిన్‌గా ఇమాన్వీ నటిస్తోంది. అనుపమ్‌ ఖేర్‌, మిథున్‌ చక్రవర్తి, జయప్రద, భాను చందర్‌ కీలక పాత్రల్లో కనిపించనున్నారు. ప్రస్తుతం నిర్మాణ దశలో ఉన్న ఈ చిత్రాన్ని నవీన్‌ ఎర్నేని, వై. రవి శంకర్‌ నిర్మిస్తున్నారు.