జర్మనీలో అగ్నిప్రమాదం.. ముగ్గురు భారతీయులు మృతి

నవతెలంగాణ - హైదరాబాద్ : జర్మనీలోని బాషుమ్‌ నగరంలో ఓ భవనంలో జరిగిన అగ్నిప్రమాదంలో ముగ్గురు భారతీయులు మృతి చెందగా, మరో ఐదుగురు గాయపడ్డారు. మృతుల వయసు 25 నుంచి 27 ఏళ్ల మధ్య ఉన్నట్లు తెలిసింది. ఈ ఘటన వెనుక కుట్ర ఉందనే అనుమానంతో పోలీసులు అదే భవనంలో నివసిస్తున్న ఓ వ్యక్తిని అరెస్టు చేశారు. ఉద్దేశపూర్వకంగానే నిప్పు పెట్టినట్లు ప్రాథమిక ఆధారాలు ఉన్నాయని, ఇది హత్య అయి ఉండొచ్చని పోలీసులు అనుమానిస్తున్నారు.