ఒక కప్పు బ్లాక్‌ కాఫీతో…

బ్లాక్‌ కాఫీ ఆరోగ్యానికి ఎంతో మేలు చేస్తుంది. ఇది శరీరాన్ని ఉల్లాసంగా ఉంచడమే కాకుండా వివిధ వ్యాధుల నుంచి రక్షణ కలిగి స్తుంది. కాఫీలో ఉన్న కెఫిన్‌ మెదడు పనితీరును మెరుగుపరిచి మానసిక ఉల్లాసాన్ని పెంచుతుంది. బ్లాక్‌ కాఫీ మెటబాలిజం పెంచి కొవ్వును తక్కువ చేసే గుణాలు కలిగి ఉంది. బ్లాక్‌ కాఫీ గుండె ఆరోగ్యాన్ని కాపాడటంతో పాటు, టైప్‌-2 డయాబెటిస్‌ ముప్పును తగ్గించడంలో సహాయపడుతుంది. ఇందులో యాంటీ ఆక్సిడెంట్లు ఉండటంతో కణాల రక్షణకు తోడ్పడుతుంది. ఇలా చాలానే ఆరోగ్య ప్రయోజనాలు ఉన్నాయి. అవేంటో చూద్దాం…
శరీరానికి లాభాలు
బ్లాక్‌ కాఫీలో ఉండే కెఫిన్‌ శరీరంలో శక్తిని పెంచుతుంది. దీనివల్ల మేల్కొలిపిన భావన ఏర్పడుతుంది. కొంతమందికి తరచూ వచ్చే తలనొప్పిని తగ్గించడంలో ఇది సహాయపడుతుంది. అంతేకాదు దృష్టిని మెరుగుపరిచే శక్తిని కూడా అందిస్తుంది.
అధిక బరువు
నిత్యం బ్లాక్‌ కాఫీ తాగడం శరీర బరువును నియంత్రించడంలో ఉపయోగపడుతుంది. ఇది మెటబాలిజం వేగాన్ని పెంచడంతో పాటు కొవ్వును త్వరగా కరిగించేందుకు సహాయపడుతుంది.
అధిక ఒత్తిడి
బ్లాక్‌ కాఫీ సేవించడం శరీర శక్తిని పెంచడమే కాకుండా ఒత్తిడిని తగ్గించడంలో కూడా సహాయపడుతుంది. దీనివల్ల మానసిక ప్రశాంతత పెరిగి రోజువారీ పనులను ఉత్సాహంగా చేయగలుగుతారు.
టైప్‌ 2 డయాబెటిస్‌
కొన్ని పరిశోధనాల ప్రకారం బ్లాక్‌ కాఫీ తాగడంవల్ల టైప్‌ 2 డయాబెటిస్‌ వచ్చే అవకాశం తగ్గుతుందని చెబుతున్నారు. కెఫిన్‌ వల్ల ఇన్సులిన్‌ సున్నితత్వం మెరుగుపడుతుంది.
మెదడు పనితీరు
బ్లాక్‌ కాఫీ తాగడం మెమరీని మెరుగుపరిచే అవకాశం ఉంది. ఇది మెదడు పనితీరును మెరుగుపరచడంలో సహాయపడుతుంది. కొన్ని అధ్యయనాల ప్రకారం బ్లాక్‌ కాఫీ మానసిక క్షీణతను నివారించేందుకు ఉపయోగపడొచ్చు.
కాలేయ ఆరోగ్యం
ఫ్యాటి లివర్‌, సిర్రోసిస్‌ వంటి కాలేయ సంబంధిత సమస్యల నుంచి శరీరాన్ని రక్షించగలదు. దీనివల్ల కాలేయ ఆరోగ్యం మెరుగుపడే అవకాశం ఉంది.
మానసిక ఆరోగ్యం
కాఫీలోని క్యాఫిన్‌ డోపమైన్‌ స్థాయిని పెంచుతుంది. ఇది మానసిక ఆరోగ్యాన్ని మెరుగుపరచి మూడ్‌ను ఉత్తేజపరచడంలోసహాయపడుతుంది.
గుండె ఆరోగ్యం
తక్కువ పరిమాణంలో కాఫీ సేవించడం వల్ల గుండె సంబంధిత వ్యాధుల ప్రమాదం తగ్గవచ్చు. ఇది రక్తప్రసరణను మెరుగుపరిచేలా పనిచేస్తుంది.