మణికంఠ దర్శకత్వంలో సురేష్ అనాపురపు, బస్వా గోవర్ధన్ గౌడ్ సంయుక్తంగా నిర్మిస్తున్న చిత్రం ‘ఇట్స్ ఓకే గురు’. సాయి చరణ్, ఉష శ్రీ హీరో, హీరోయిన్లుగా నటిస్తున్న ఈ సినిమా ట్రైలర్ లాంచ్ వేడుక ఇటీవల కర్నూలులో ఘనంగా జరిగింది. కర్నూలులోని డా. కె.వి. సుబ్బారెడ్డి ఇన్స్టిట్యూట్ ఆఫ్ టెక్నాలజీలో జరిగిన ఈ కార్యక్రమంలో మాజీ రాజ్యసభ సభ్యులు టి.జి.వెంకటేష్ ముఖ్య అతిథిగా పాల్గొని, ట్రైలర్ను లాంచ్ చేశారు. కాలేజ్ చైర్మన్ డా. కె.వి.సుబ్బారెడ్డి, చిత్ర యూనిట్ సభ్యులు, క్రాంతి ప్రసాద్, రాజీవ్, నారప్ప వెంకటేష్, రాహుల్, హనుమంతరావు తదితరులు పాల్గొన్నారు. వేల మంది విద్యార్థుల సమక్షంలో ‘సే నో డ్రగ్స్- ఎస్ టు లైఫ్’ అనే ప్రత్యేక పోస్టర్ను అతిథులు ఆవిష్కరించారు.
సినిమాలోని నాలుగు పాటలు ఈ తరం యువతను ఆకట్టుకునేలా ఉన్నాయని, ముఖ్యంగా ‘నా శ్వాసే నువ్వై పోయావే’ అనే పాట సినిమాకే హైలైట్గా నిలుస్తుందని చిత్ర బృందం తెలిపింది. మంచి మెసేజ్ ఓరియెంటెడ్ కథతో వస్తున్న ఈ సినిమాకి ట్రైలర్ ద్వారా మంచి స్పందన లభిస్తోంది. అన్ని కార్యక్రమాలు పూర్తి చేసుకుని ఈ చిత్రాన్ని డిసెంబర్లో విడుదల చేయడానికి సన్నాహాలు చేస్తున్నారు. సాయి చరణ్, ఉష శ్రీ జంటగా నటిస్తున్న ఈ చిత్రంలో సుధాకర్ కోమాకుల ఓ ముఖ్య పాత్ర పోషిస్తున్నారు. ఈచిత్రానికి దర్శకత్వం: మణికంఠ, నిర్మాతలు: సురేష్ అనపురపు, బస్వ గోవర్థన్ గౌడ్, సంగీతం: మోహిత్ రెహమానియాక్, డి.ఓ.పి- ఎడిటింగ్: సన్నీ డి.
‘ఇట్స్ ఓకే గురు’ రిలీజ్కి రెడీ
- Advertisement -
- Advertisement -
RELATED ARTICLES



