నకిలీ బంగారం నిందితుల అరెస్టు

రెండు గంటల్లోనే కేసు చేధన 
వివరాలు వెల్లడించిన అసిస్టెంట్ కమీషనర్ ఆఫ్ పోలీస్ రాజా వెంకట్ రెడ్డి 
నవతెలంగాణ – కంఠేశ్వర్ 
నిజామాబాద్ నగరంలోని ఐదవ పోలీస్ స్టేషన్ పరిధిలో నకిలీ బంగారం పేరుతో మోసం చేసి చోరీచేసిన ముఠా గుట్టు పోలీసులు రెండు గంటల్లోనే కేసులు చేదించి రట్టు చేశారు. నిందితులను అరెస్టు చేసి రిమాండ్ పంపుతున్నట్లు నిజామాబాద్ అసిస్టెంట్ పోలీస్ కమిషనర్ రాజా వెంకటరెడ్డి తెలిపారు. నిజామాబాద్ ఏసిపి రాజా వెంకట్ రెడ్డి తెలిపిన వివరాల ప్రకారం.. నగరంలోని ఐదవ పోలీస్ స్టేషన్ పరిధిలోగల సీతారాం నగర్ కాలనీ లో నివాసముంటున్న మోరే వనిత ఫిర్యాదు ప్రకారం… తన ఇంట్లో ఎవరో గుర్తు తెలియని నలుగురు వ్యక్తులు వచ్చి బంగారం అమ్మే నెపం తో వచ్చి ఐదు లక్షల డబ్బు ను దొంగిలించారు అని పోలీస్ స్టేషన్లో ఫిర్యాదు చేసిందన్నారు. వెంటనే కేసు నమోదు చేసి నార్త్ రూరల్ సిఐ శ్రీనివాస్, ఐదవ పోలీస్ స్టేషన్ ఎస్ఐ గంగాధర్, తమ సిబ్బందితో దర్యాప్తును ప్రారంభించారు.ఆంధ్రప్రదేశ్ గుంటూరు కు చెందిన ఏ 1తురక శివయ్య, ఏ2 తన్నీరు అంజమ్మ, ఏ3 తన్నీరు అంకమ్మ, ఏ4తన్నీరు గంగరాజు లను అక్క సమాచారంతో అదుపులోకి తీసుకున్నారు.

నిందితులు ఏ1 టూ ఎ4 లు ఆంధ్ర ప్రదేశ్ గుంటూరు జిల్లా లో స్వర్ణ భారతి కాలనీ చెందినవారు. వారు లేబర్ పని చేసుకుంటూ జీవిస్తుంటారు వారికి సుమారు నాలుగు నెలల క్రితం నిందితులు మూడు నకిలీ బంగారు బిస్కెట్ లను మోసం చేసే ఉద్దేశ్యం తో ఎవరికైనా అమ్ముదామని స్థానికంగా అమ్ముదామని ప్రయత్నించగా కుదరకపోవడం తో నిందితురాలు ఏ2 కు ఇంతకుముందే నిజామాబాద్ లో లేబర్ పని చేసుకుంటూ బ్రతికిన అనుభవం ఉండడం తో ఇట్టి నకిలీ బంగారాన్ని వారు నిజామాబాద్ తీసుకోని వచ్చి నిజామాబాద్ నగరంలోని శివాజీ నగర్ ప్రాంతంలో ఒక ఇంటి ని అద్దెకు తీసుకుని వాళ్ళ దగ్గర గల నకిలీ బంగారాన్ని అమ్మే ప్రయత్నంలో సీతారాం నగర్ కి చెందిన మోర వనిత కు చెందిన మిల్క్ షాప్ లో పాలు కొనే నెపం తో పలుమార్లు ఫిర్యాదిని సంప్రదించి వారు తమ దగ్గర గల బంగారంలో ఒక బిస్కెట్ ని  చూపించగా  బంగారం దాదాపు 350 గ్రాములు ఉంటుంది.

బంగారం బయట అమ్మితే 30 లక్షల వరకు వస్తుంది కావున మాకు పది లక్షలు ఇచ్చి బంగారాన్ని తీసుకోమని అడగగా దానికి వారు సరేనని కానీ అంత డబ్బు ఇవ్వలేము అని చెప్పి ఐదు లక్షలు ఇస్తామని చెప్పగా దానికి నిందితులు సరేనని ఒప్పుకోగా నిందితులు ఫిర్యాదికి ఒక నకిలీ బంగారం బిస్కెట్ ని ఇచ్చి ఐదు లక్షల రూపాయలు తీసుకొని అక్కడి నుండి ఊడాయించారు. తర్వాత ఫిర్యాదుకి అనుమానం వచ్చి ఆ బంగారాన్ని పరీక్షించుకోగా అది నకిలీ అని తేలడంతో పోలీస్ స్టేషన్కు వచ్చి ఫిర్యాదు ఇవ్వడం తో పోలీసు వారు కేసు నమోదు చేసి దర్యాప్తు ప్రారంభించారు. అన్ని కోణాలలో విచారించగా నిందితులు డిచ్పల్లి రైల్వే స్టేషన్ నందు ఉన్నారనే పక్కా ఇన్ఫర్మేషన్ తో వెళ్లి తనిఖీ చేయగా అక్కడ పోలీసు వారు నిందితులను పట్టుకొని నార్త్ రూరల్ సి‌ఐ  సమక్షంలో పంచనామా నిర్వహించి నిందితులను పంపుతున్నామన్నారు.

నిందితుల నుండి నగదు ఐదు లక్షల రూపాయలు, నకిలీ బంగారం 960 గ్రాములు (మూడు ఫేక్ గోల్డ్ బిస్కెట్స్) పోకో స్మార్ట్ ఫోన్, లావా కీప్యాడ ఫోను స్వాధీనం చేసుకుందామన్నారు. ఈ కేసు చేధనకు నిజామాబాదు డివిజన్ అసిస్టెంట్ కమీషనర్ అఫ్ పోలీస్, ఎల్.రాజా వెంకట్ రెడ్డి ఆధ్వర్యంలో రెండు టీం లుగా ఏర్పడి బి.శ్రీనివాస్ నార్త్ రూరల్ సర్కిల్ ఇన్స్పెక్టర్, ఎం. గంగాధర్ సబ్ ఇన్స్పెక్టర్ పి‌ఎస్, సిబ్బంది తదితరులను నిజామాబాద్ పోలీస్ కమిషనర్ సాయి చైతన్య అభినందించారు.