నవతెలంగాణ-హైదరాబాద్: మోడీ ప్రభుత్వంపై కాంగ్రెస్ జాతీయ అధ్యక్షుడు మల్లిఖార్జున ఖర్గే తీవ్ర విమర్శలు గుప్పించారు. నేషనల్ ఫ్యామిలీ సర్వే(NFHS)లో కీలక సమాచారాన్ని బహిర్గతం చేయలేదని ఆరోపించారు. ఆ డేటా బయటికి వస్తే మోడీ అసమర్ద పాలనలో తెలియజేస్తుందని ఆయన సోషల్ మీడియా ఎక్స్ వేదికగా రాసుకొచ్చారు.
‘‘దేశవ్యాప్తంగా ప్రతి ఐదుగురు పిల్లలలో ఒకరు తీవ్ర పోషకాహార లోపంతో బాధపడుతున్నారని, భారతదేశంలోని మూడింట ఒక వంతు పిల్లలు తక్కువ బరువుతో ఉన్నారని ఆరోపిస్తూ, కేంద్ర ప్రభుత్వ ‘సంపూర్ణ అసమర్థత’ను ఆయన తీవ్రంగా విమర్శించారు. ‘సబ్కా సాథ్’ మరియు ‘అమృత్ కాల్’ నినాదాలను ప్రచారం చేయడం, ప్రధాని మోదీ పీఆర్ ను కాపాడటం, కథనాన్ని తారుమారు చేయడం వంటివి ఉన్నాయని ఆయన పేర్కొన్నారు. “మోదీ ప్రభుత్వం ఆరోగ్య సంరక్షణ, పోషణ విషయంలో భారతదేశ మహిళలకు, పిల్లలకు ద్రోహం చేయడమే కాకుండా, తన వైఫల్యాలను బయటపెట్టే కీలకమైన డేటాను కూడా ఉద్దేశపూర్వకంగా దాచిపెడుతోంది’’ అని పేర్కొన్నారు.
